ახალი ამბები - Archive

"ბარსელონას” ნახევარმცველი ჩავი ერნანდესი ესპანეთის პრიმერადივიზიონის 26-ე ტურში მადრიდის "რეალთან” გასამართ მატჩში ვერ ითამაშებს. 33-წლის ფეხბურთელმა ქვეყნის სამეფო თასის განმეორებით ნახევარფინალურ შეხვედრაში მუხლქვედა მყესი დაიშავა. ტრავმის მოშუშებას 10-15 დღე დასჭირდება. არ არის გამორცხული, ჩავიმ უეფას ჩემპიონთა ლიგის მერვედფინალურ ეტაპზე, "მილანის” წინააღმდეგ გასამართი განმეორებითი მატჩიც გამოტოვოს, რომელიც 12 მარტს შედგება.

შეგახსენებთ, რომ კატალონიური გუნდის ნახევარმცველმა ანალოგიური დაზიანება თებერვლის დასაწყისშიც მიიღო. მაშინ ჩავიმ პრიმერადივიზიონის ორი მატჩი გამოტოვა.

"ბარსელონას” მწვრთნელი მადრიდში ამ შემადგენლობით მიემგზავრება:

მეკარეები: ვიქტორ ვალდესი, პინტო;

მცველები: დანი ალვეში, პიკე, ბარტრა, პუიოლი, მასკერანო, ალბა, ადრიანო;

ნახევარმცველები: სონგი, სერხიო ბუსკეტსი, ინიესტა, ტიაგო ალკანტარა, ფაბრეგასი;

მიუნხენის "ბაიერნის” ნახევარმცველი, არიენ რობენი აცხადებს, რომ ბავარიელები არ უნდა მოდუნდნენ, რადგან მათ ჯერ არაფერი მოუგიათ.

შეგახსენებთ, რომ "ბაიერნი” ერთდროულად სამი ტიტული მოგებას ცდილობს – გერმანიის ჩემპიონატის, გერმანიის თასისა და ჩემპიონთა ლიგის.

"ის რაც გაკეთებული გვაქვს, ჯერ საკმარისი არაა. მნიშვნელოვანია, რომ არ მოვდუნდეთ. მშვიდად უნდა ვიყოთ და შევეცადოთ, ყველა მატჩში წარმატებას მივაღწიოთ. გერმანიის თასზე, "დორტმუნდის” წინააღმდეგ მოგებამ გაგვახარა, მაგრამ ჯერ არცერთი ტიტული არ მოგვიგია”, – უთხრა 29 წლის ფეხბურთელმა TZ-ს.

ისვე "ელ კლასიკო”... ამჯერად, მადრიდის "რეალი” და კატალონიის "ბარსელონა” ერთმანეთს ესპანეთის პრიმერა დივიზიონის 26-ე ტურის მატჩში დაუპირისპირდებიან. 

 უკანასკნელ პერიოდში, ეს გუნდები ერთმანეთს იმდენჯერ შეხვდნენ, რომ ყველაზე მნიშვნელოვან მადრიდულ-კატალონიურ დაპირისპირებას, გარკვეულწილად, ძველებური ხიბლიც კი დაეკარგა. მიუხედავად ამისა, "რეალისა” და "ბარსელონას” მატჩი ყოველთვის ახერხებს სხვა საფეხბურთო (და არა მარტო) მოვლენების გადაფარვას.

"პარი სენ ჟერმენის” ნახევარმცველის დევიდ ბექჰემის აზრით, ჩემპიონთა ლიგის 1/8-ფინალში, სტუმრად "მილანთან” დამარცხების (0:2) მიუხედავად, "ბარსელონას” "ჩამოწერა” ნაადრევია.

 "დადის ხმები, რომ "ბარსელონას” ჰეგემონია სრულდება, მაგრამ "მილანთან” წაგების მიუხედავად, მსგავსი დასკვნების გაკეთება ნაადრევია. საპასუხო მატჩში, "ბარსელონა” სახლში ითამაშებს და არცთუ მნიშვნელოვანია, რამდენი ბურთი უნდა გაქვითოს – ორი თუ სამი. მე ვიცი, თუ რას ნიშნავს "ბარსელონას” წინააღმდეგ თამაში, როდესაც მას გოლი აქვს გასატანი. ეს რთულია” – იუწყება ბექჰემის სიტყვებს ინტერნეტგამოცემა goal.com-ი.  

 პსჟ-ს ინგლისელმა ლეგიონერმა აღნიშნა, რომ პირველ მატჩში "ვალენსიას” სტუმრად დამარცხების მიუხედავად, შინ იოლი გასეირნება არ ელით.

"მანჩესტერ იუნაიტედის” უელსელმა გარემარბმა რაიან გიგზმა კლუბთან ხელშეკრულება ერთი წლით გაახანგრძლივა. ამის შესახებ, მანჩესტერული საფეხბურთო კლუბის ოფიციალური ვებგვერდი იუწყება.

  "როგორც არასოდეს, ფეხბურთით ისე ვტკბები. გუნდის ნაწილად ყოფნა და მისი სულისკვეთების შეგრძნება, საოცარი გრძნობაა. ჩვენ მუდმივად ვიბრძვით იმ ტურნირების მოსაგებად, რომლებშიც ვმონაწილეობთ. გამარჯვება არ შეიძლება რომ მოგბეზრდეს. რა თქმა უნდა, მიხარია, რომ ახალი კონტრაქტი გავაფორმე. მსურს, მადლობა გადავუხადო ალექს ფერგიუსონსა და მთელ სამწვრთნელო შტაბს, რომლებიც ამ წლების განმავლობაში მხარს მიჭერდნენ” – განაცხადა 39 წლის გიგზმა კონტრაქტის გაფორმების შემდეგ.  

ფეხბურთის მოყვარულებს ყველა საკითხზე საკუთარი მოსაზრება გააჩნიათ - ზოგი მცდარი, ზოგიც მართებული, თუმცა მოსაზრება სუბიექტური ცნებაა და თუ ვინმესთვის მცდარია, შესაძლოა სხვისთვის მართებული იყოს. 

ფეხბურთის გულშემატკივარი მოწოდებით მწვრთნელია, ტაქტიკოსია, ფსიქოლოგია... მასზე უკეთ ფეხბურთში ვერავინ ერკვევა და მხოლოდ მან იცის, როგორ უშველოს გაჭირვებაში ჩავარდნილ საყვარელ გუნდს...

მეც ერთ-ერთი ასეთი ქომაგი ვარ; უბრალოდ, გამიმართლა და ფეხბურთზე საუბარსა თუ საკუთარი მოსაზრების გამოთქმაში ფულს მიხდიან.