ახალი ამბები - Archive

ყაზახური სპორტული გამოცემა sports.kz-ი იუწყება, რომ მიმდინარე წლის 14 აგვისტოს, ყაზახეთის საფეხბურთო ეროვნული გუნდი ამხანაგურ მატჩს საქართველოს ნაკრებთან გამართავს.

 ეს ინფორმაცია "მსოფლიო სპორტმა” საქართველოს ფეხბურთის ფედერაციის პრესატაშე ოთარ გიორგაძესთან გადაამოწმა, რომელმაც დაადასტურა, რომ ყაზახებს თამაში მართლაც სურთ, მაგრამ მხარეები ჯერ ბოლომდე არ შეთანხმებულან. საქმე ისაა, რომ სფფ აგვისტოსთვის სხვა სპარინგ-პარტნიორებსაც ეძებს.

 აქვე გეტყვით, რომ საქართველოს ნაკრები ივნისში ორ მახანაგურ თამაშს ჩაატარებს. ფაქტობრივად გარკვეულია, რომ ერთ-ერთი მეტოქე დანიის ეროვნული ნაკრები იქნება, რომელსაც სტუმრად შევხდებით. მეორე სპარინგ-პარტნიორის ვინაობა ბოლომდე დადგენილი ჯერ არ არის

დღეს,სან ტიაგო ბერნაბეუზე ჩემპიონთა ლიგის მიმდინარე სეზონის ყველაზე გამორჩეული მატჩი შედგება.ერთმანეთს ევროპული ფეხბურთის გრანდები დაუპირისპირდებიან.

მოახლოებულ მატჩზე ისაუბრა მანჩესტერ იუნაიტედის ლეგენდარულმა მწვრთნელმა.სერ ალექს ფერგიუსონის აზრით,დღეს მადრიდში გულშემატკივრები გოლებს იხილავენ.შოტლანდიელის განცხადებით,მის გუნდს ძალუძს მეტოქე გუნდში ,,ქაოსის შექმნა”.

"დღევანდელი მატჩი 0 – 0 არ დამთავრდება.გოლები აუცილებლად იქნება.ჩვენ საკუთარი სტილის ერთგულები უნდა დავრჩეთ.მიზანი გამარჯვება და გოლის გატანაა,რასაც მეტოქე გუნდში ქაოსის წარმოქმნა შეუძლია.შესაძლოა,მატჩის ბოლო წუთები დრამატული აღმოჩნდეს,თუმცა ჩემმა შეგირდებმა ეს ყველაფერი პასუხისმგებლობით უნდა დააბალანსონ.”-განაცხადა სერ ალექს ფერგიუსონმა.

უეფას ჩემპიონთა ლიგა

მერვედფინალი (პირველი მატჩი)

"ვალენსია”-”პარი სენ-ჟერმენი” 1:2

"ვალენსია”: გუაიტა, ჟოაუ პერეირა, რამი, რიკარდუ კოშტა, გუარდადო, კოსტა, ბანეგა (კანალესი 46′), პერეხო, ფეგული (ვიეირა 84′), ჟონასი (ვალდესი 46′), სოლდადო.

მთავარი მწვრთნელი: ერნესტო ვალვერდე.

"პსჟ”: სირიგუ, სახო, ალექსი, ჟალე, მაქსველი, მატიუდი, ვერატი, პასტორე (არმანი 88′), ლუკას მოურა (შანტომი 54′), ლავესი (მენესი 76′), იბრაჰიმოვიჩი.

მთავარი მწვრთნელი: კარლო ანჩელოტი.

გოლები: რამი 90′ – ლავესი 10′, პასტორე 43′.

გაფრთხილებები: ჟოაუ პერეირა 32′ – ვერატი 32′.

გაძევება: იბრაჰიმოვიჩი 90+2′.

უეფას ჩემპიონთა ლიგა

მერვედფინალი (პირველი მატჩი)

"სელტიკი”-”იუვენტუსი” 0:3

"სელტიკი”: ფორსტერი, ისაგირე, ემბროუსი, უილსონი, მალგრიუ, ლიუსტიგი (მეთიუსი 59′), ვენიამა, ბრაუნი (კაიალი 80′), ფორესტი, კომონსი (უოტი 74′), ჰუპერი.

მთავარი მწვრთნელი: ნილ ლენონი.

"იუვენტუსი”: ბუფონი, ლიხტშტაინერი, ბარძალი, ბონუჩი, კასერესი, პელუზო (პადოინი 69′), ვიდალი, პირლო, მარკიზიო, მატრი (პოგბა 81′), ვუჩინიჩი (ანელკა 86′).

მთავარი მწვრთნელი: ანტონიო კონტე.

გოლები: მატრი 3′, მარკიზიო 77′, ვუჩინიჩი 83′.

გაფრთხილებები: ჰუპერი 37′, ფორესტი 42′, ბრაუნი 76′ – ლიხტშტაინერი 37′, პადოინი 76′, მარკიზიო 89′.

როგორც  Yahoo Sports-ი იუწყება,”სან ანტონიო სპურსი” იმ გუნდთა რიცხვს მიეკუთვნება,რომლებიც "ატლანტა ჰოუქსის” ფორვარდის ჯოშ სმიტის გადაბირებით არიან დაინტერესებულნი.

ტრანსფერის გაჩარხვას ის ფაქტი უწყობს ხელს,რომ  ”ჰოუქსის” გენერალური დირექტორი რამდენიმე წლის წინ ტეხასურ გუნდში მუშაობდა.

რაც შეეხება ჯორჯიულ კლუბის ხელმძღვანელობას,არ აპირებენ სმიტთან კონტრაქტის გახანგრძლივებას და მზად არიან ნებისმიერი გაცვლის შესაძლებლობა განიხილონ.

2013 წლის 12 თებერვალს, საფეხბურთო კლუბმა "ზესტაფონმა” თურქული შეკრების დასკვნითი, რიგით მეხუთე ამხანაგური შეხვედრა ჩაატარა - საქართველოს ჩემპიონის მეტოქე, ბელარუსის უმაღლესი ლიგის წარმომადგენელი, ქალაქ ჟოდინოს საფეხბურთო კლუბი "ტორპედო-ბელაზი” გახლდათ.

 დღევანდელი შეხვედრა ქალაქ ბელეკში გაიმართა და ადგილობრივი დროით 15:00 (თბილისის დროით - 17:00) საათზე დაიწყო. "ბელაზის” სახელგანთქმული საავტომობილო ქარხნის წარმომადგენელი კლუბი, რომელსაც ადგილობრივი სპეციალისტი იგორ კრიუშენკო წვრთნის, საკუთარი ქვეყნის ფეხბურთის გრანდებს არ მიეკუთვნება, თუმცა ბელარუსის უმაღლეს ლიგაში სისტემატურად ასპარეზობს. გუნდის ღირსებას, ადგილობრივ ფეხბურთელებთან ერთად, კამერუნელი და უკრაინელი ლეგიონერები იცავენ.

მადრიდის "რეალს” ლონდონის "ტოტენჰემის” ნახევარმცველის – გარეტ ბეილის შეძენა სერიოზულად აქვს გადაწყვეტილი. El Confidential-ის ცნობით, მადრიდელები უკვე შეხვდნენ უელსელის წარმომადგენლებს და მოლაპარაკების პირველი ეტაპიც გამართეს. 

 ესპანური მხარე ბეილის სატრანსფერო ღირებულებითა და პირადი კონტრაქტის დეტალებით იყო დაინტერესებული. "რეალის” პრეზიდენტი ფლორენტინო პერესი ბეილის სანაცვლოდ 40 მილიონი გირვანქა სტერლინგის გადასახდელადაა მზად. არაა გამორიცხული, მადრიდელებმა ამ თანხას კიდევ რომელიმე ფეხბურთელიც დაუმატონ. 

 ბრიტანული პრესის ინფორმაციით, "ტოტენჰემი” ბეილში 50 მილიონ გირვანქა სტერლინგს ითხოვს.