ახალი ამბები - Archive

არნემის "ვიტესის” კაპიტანი გურამ კაშია მიიჩნევს, რომ მისი თანაგუნდელის, კოტდივუარელი ვილფრიდ ბონის სატრანსფერო ფასი 20 მილიონ ევროს აღემატება.

 ბონი აფრიკის თასზე იმყოფებოდა სათამაშოდ და არნემში დაბრუნებულმა გასულ უქმეებზე ჰოლანდიის ერედივიზიონის მორიგ ტურში პსვ-სთან დუბლი შეასრულა.

 ჰოლანდიური ინტერნეტგამოცემა voetbalzone.nl-ის ინფორმაციით, ბონის რუსული პრემიერლიგის კლუბები ეპატიჟებიან და მზად არიან, 14 მილიონი ევრო გადაიხადონ.

 "ჩემი აზრით, 20 მილიონი ევროც კი ცოტაა. ფული მთავარი არ არის. ბონი გუნდისთვის აუცილებელია. მით უმეტეს, ევროპის ლიგაში გასვლისთვის ვიბრძვით”, – განაცხადა კაშიამ.

 კოტდივუარელი არნემულ კლუბში მე-3 სეზონია გამოდის და 54 მატჩში 33 გოლი გაიტანა.

ჩემპიონატი: ჩემპიონთა ლიგა 1/8 ფინალი

დასაწყისი: 13 თებერვალი, 23:45

ადგილი: მადრიდი, "Santiago Bernabéu"

მსაჯი: F. Brych‎ 

ექსპერტთა ვარაუდი: 

რეალი - 41.7%, მანჩესტერი - 47.4%, ფრე - 10.9%

დანაკლისები: 

რეალი: კასილასი

მანჩესტერი: ჯონსი, ფელტჩერი, იანგი

წინასამატჩო კომენტარები:

"მანჩესტერს სჭირდება სამი ფეხბურთელი რონალდუს ასაყვანად, ის საოცარი ტექსნიკი პატრონია და ჩვენ ძალიან დიდ პრობლემებს შეგვიქმნის." - მაიკლ კერიკი

"მე და ჩემი გუნდი ძალიან ბევრს ვარჯიშობთ ამ მატჩისთვის, მანჩესტერი ძალიან კარგ ფორმაშია და მისი დამაცხება ყველა მეტოქისთვის რთულია." - ჩაბი ალონსო

ფეხბურთის მოყვარულთა ლოდინს ბოლო მოეღო – ევროპულ მინდვრებს კონტინენტის მასშტაბით უმთავრესი საკლუბო ტურნირი, ჩემპიონთა ლიგა უბრუნდება. 1/8-ფინალებიდან, რამდენიმე წყვილი განსაკუთრებულ ინტერესს იმსახურებს. მართალია, დღეს არცერთი მათგანის ხილვის ბედნიერება არ გვექნება, მაგრამ გლაზგოში და ვალენსიაში გასამართი დაპირისპირებები არცთუ მცირე ინტერესს მაინც იწვევს. ეს ხომ ჩემპიონთა ლიგაა.

  

  

სელტიკი-იუვენტუსი

თურქული შეკრების დასკვნითი საკონტროლო მატჩი გორის "დილამ” სერბეთის სუპერლიგაში მოასპარეზე (მე-15 ადგილი) კრაგუიევაცის "რადნიჩკი 1923”-თან გამართა. იმის მიუხედავად, რომ ქართველები მთელი თამაშის განმავლობაში დიდ უპირატესობას ფლობდნენ, მაინც მეტოქემ იმარჯვა – 1:0.

 სპარინგის ერთადერთი გოლი ლატვიელი კიპერის კასპარს იქსტენსის კარში 58-ე წუთზე გავიდა. სხვათა შორის, ეს გახლდათ ბელეკში შეკრებაზე მყოფი გორელთა პირველი და უკანასკნელი უგოლო მატჩი.

 შეგახსენებთ, რომ მანამდე ვალდას ივანაუსკასის გაწვრთნილებმა 4 პაექრობა გამართეს – მოუგეს ჩეხეთის "მლადა ბოლესლავს” (3:2) და ბრაზილიურ "გრემიო ბარუერს” (2:1), ფრედ ეთამაშნენ ავსტრიულ "ვინერ ნოიშტადტს” (1:1) და რუსულ "სალიუტს” (1:1).

კატალონიის "ბარსელონას” 31 წლის თავდამსხმელის, დავიდ ვილიას გამოჯანმრთელებას საშველი არ დაადგა. ამჯერად, ასტურიელი შემტევი თირკმელმა შეაწუხა და მას ოპერაცია სჭირდება.

 "ბარსას” ოფიციალური ვებგვერდის ცნობით, ვილიას კენჭის გავლა აქვს და მას ოპერაცია უახლოეს მომავალში ჩაუტარდება.

 ოფიციალური ინფორმაციით, კატალონიელთა მე-7 ნომრის მკურნალობას დიდი დრო არ დასჭირდება. არც ისაა გამორიცხული, მან უახლოეს შაბათს, "გრანადას” წინააღმდეგ ითამაშოს.