ახალი ამბები - Archive

ტურინის "იუვენტუსის” ფრანგმა ნახევარმცველმა, პოლ პოგბამ "სელტიკთან” მოგებული მატჩის შემდეგ, განაცხადა, რომ "ბიანკონერის” მიმდინარე სეზონში ჩემპიონთა ლიგის მოგება სურს.

შეგახსენებთ, რომ "იუვენტუსსა” და "სელტიკს” შორის გამართული შეხვედრა, ტურინელების გამარჯვებით, 2-0 დასრულდა.

მადრიდის "რეალის” მთავარმა მწვრთნელმა, ჟოზე მაურინიომ განაცხადა, რომ კრისტიანო რონალდო მსოფლიოს საუკეთესო ფეხბურთელია.

ბევრის აზრით, "სამეფო კლუბის” წარმატებაში უდიდეს როლს 28 წლის მოთამაშე ასრულებს, მაგრამ მაურინიო ამბობს, რომ გუნდის დახმარების გარეშე, რონალდო ვერაფერს გააკეთებს.

"როცა თამაშს ვაგებთ, პასუხისმგებლობა მხოლოდ რონალდოს არ ეკისრება, შესაბამისად, მხოლოდ ის მატჩს ვერ მოიგებს. გუნდის გარეშე, რონალდო არაფერია. კრისტიანო მსოფლიოს საუკეთესო ფეხბურთელია. დიეგო მარადონას თამაში რამდენჯერმე მინახავს, ხოლო პელესი – არასოდეს. თუმცა, რონალდო შეუდარებელია. ეს კაცი საუკეთესოა”, – უთხრა 50 წლის სპეციალისტმა ITV Sport-ს.

ის, რაც ორი კვირის წინ "სანტიაგო ბერნაბეუზე" ვნახეთ, ჟურნალი იყოს; კინოს კი 5 მარტს "ოლდ ტრეფორდზე" ველით: "მანჩესტერ იუნაიტედი" და "რეალი" ჩემპიონთა ლიგის მერვედფინალის საპასუხო მატჩს საუკეთესო ფორმითა და განწყობით, თავდაჯერებულები ხვდებიან. 

სტატისტიკა გვეუბნება: "რეალი" გავარდება, "მანჩესტერი" ჩემპიონთა ლიგას მოიგებს

მადრიდის "რეალი” ჩემპიონთა ლიგის მერვედფინალურ ეტაპზე "მანჩესტერ იუნაიტედის” წინააღმდეგ გასამართი განმეორებითი შეხვედრისთვის ემზადება. მატჩისწინა პრესკონფერენციაზე "სამეფო კლუბის” მთავარმა მწვრთნელმა ჟოზე მოურინიომ განაცხადა, რომ მისი გუნდი შემტევ ფეხბურთს ითამაშებს.

"თავი ყურადღებით უნდა დავიცვათ, მაგრამ ეჭვი არავის შეეპაროს იმაში, რომ მანჩესტერში შემტევ ფეხბურთს ვაჩვენებთ. ყველა ფეხბურთელი მზად არის სათამაშოდ, გარდა იკერ კასილასისა. შეხვედრას შესანიშნავი განწყობით ვხვდებით.

ლეგენდარული დიეგო მარადონა აცხადებს, რომ მიუხედავად "ბარსელონას” წაგებული მატჩებისა, მესი კვლავ მსოფლიოს საუკეთესო მოთამაშეა და ის კრისტიანო რონალდოს ჯობია.

შეგახსენებთ, რომ მადრიდის "რეალი” ბოლო მატჩებში "ბარსელონას” ამარცხებს. რონალდომ კი 27 თებერვალს გამართულ შეხვედრაში დუბლის გაფორმებაც მოახერხა.

"მესი "ბარსელონას” ყველა მატჩს ვერ მოაგებინებს. რონალდო მშვენიერი ფეხბურთელია და ახლა ბრწყინვალე ფორმაშია. თუმცა, მიუხედავად კატალონიელების რამდენიმე მარცხისა, მესი პორტუგალიელ მოთამაშეს ჯობია. ლიონელი მიყვარს და ვისურვებდი, ერთ დღეს მისი მწვრთნელი გავმხდარიყავი”, – ამბობს მარადონა

"მანჩესტერ უნაიტედის" ლიდერი რუნი აცხადებს, რომ მზად რის მადრიდის "რეალთან" საბრძოლველად.

"უნდა ვთქვა, რომ მთელი სეზონის განმავლობაში დიდად არ ვიყავი დატვირთული, ამიტომ ახლა სრულიად დასვენებული ვარ და საბრძოლველადაც მზად ვარ"

"ჩვენ გუნდში ხშირია როტაციები, ამიტომ სეზონის ბოლოს, როდესაც სხვა გუნდის ფეხბურთელები დაღლილები არიან, ჩვენთან ეს პრობლემა ნაკლებად არის"

"მიმდინარე სეზონში ცოტა ტრავმამ გამაწვალა, თუმცა ახლა კარგ ფორმაში ვარ და იმედი მაქვს, გუნდს წარმატების მიღწევაში დავეხმარები"-განაცხადა რუნიმ.

შეგახსენებთ, რომ მატჩი 5 მარტს საქართველოს დროით 23:45 სთ-ზე დაიწყება და მატჩის ყურება ასევე infoBets.ucoz.com - ზე შეგეძლებათ.

"მანჩესტერ იუნაიტედის” ყოფილმა მეკარემ, ედვინ ვან დერ სარმა მადრიდის "რეალის” კიპერი, იკერ კასილასი შეაქო და თქვა, რომ ის "სამეფო კლუბისა” და ესპანეთის ნაკრების დიდებული კაპიტანია.

შეგახსენებთ, რომ 31 წლის მეკარემ ტრავმა 20 იანვარს, "ვალენსიასთან” გამართულ შეხვედრაში მიიღო და მას შემდეგ არ უთამაშია. თუმცა, ესპანეთის ნაკრების ფეხბურთელი "რეალს” მანჩესტერში გაჰყვა.

"რა შემიძლია ვთქვა კასილასის შესახებ? ის 31 წლისაა და ყველაფერი აქვს მოგებული. ვფიქრობ, მან მადრიდის "რეალის” პირველ გუნდში თამაში 17-18 წლის ასაკში დაიწყო, ეს კი ყველაფერზე მეტყველებს. კასილასს პირადად არ ვიცნობ, მაგრამ მასზე ცუდი არასოდეს მსმენია. ის მადრიდის "რეალისა” და ესპანეთის ნაკრების დიდებული კაპიტანია”, – აცხადებს ვან დერ სარი.