ახალი ამბები - Archive

"ჩელსის” ბრაზილიელმა მცველმა თავის თანამემამულე გუნდელზე ისაუბრა. ოსკარი და ლუიზი "ჩელსიში” თამაშობენ, 21 წლის ოსკარს ყველა ძალიან დიდ მომავალს უწინასწარმეტყველებს, მაგრამ დავიდ ლუიზმა განაცხადა, რომ მოთამაშეს შეუძლია მსოფლიოში ყველაზე ძლიერი მოთამაშე გახდეს.

"დეილი მეილის” ინფორმაციით, "ტოტენჰემ ჰოთსპური” მზად არის, მიიღოს უპრეცენდენტო ზომები იმისთვის, რომ გარეტ ბეილი შეინარჩუნოს. წყაროს ცნობით, ჩრდილოლონდონური გუნდის ხელმძღვანელები უელსელ ფეხბურთელს ხუთწლიან კონტრაქტსა და ჯამაგირის სახით 40 მილიონ ფუნტ სტერლინგს სთავაზობენ. თუ მხარეები შეთანხმებას მიაღწევენ, ბეილი კლუბის ისტორიაში ერთ-ერთი ყველაზე მაღალანაზღაურებადი მოთამაშე გახდება.

გარდა ამისა, "დეზების” მფლობელი დანიელ ლევი ბეილის ტრანსფერზე შემოთავაზებული წინადადებების განსახილველადაც მზად არის, თუმცა ეს იმ შემთხვევაში მოხდება, თუ პოტენციური მყიდველები უელსელი მარცხენაფლანგელის სანაცვლოდ "ტოტენჰემს” მინიმუმ 60 მილიონ ფუნტს შესთავაზებენ.

შეგახსენებთ, მანამდე გავრცელებული ინფორმაციის თანახმად, ბეილის გადაბირების სურვილი მადრიდის "რეალს” აქვს.

უეფა "რეალის” წინააღმდეგ ჩემპიონთა ლიგის 1/8 ფინალური განმეორებითი შეხვედრის შემდეგ მომხდარი ფაქტის გამო "მანჩესტერ იუნაიტედის” მცველის რიო ფერდინანდის დასჯას არ აპირებს.

შეგახსენებთ, რომ გამოცდილი მცველი გუშინწინდელი შეხვედრის დასრულებისთანავე მატჩის მთავარი არბიტრისკენ ჯუნეით ჩაკირისკენ გაიქცა, წინ დაუდგა და "ირონიული ტაში” დაუკრა.

მიუხედავად ამისა, როგორც უეფაში აღნიშნეს, ევროპის საფეხბურთო ასოციაციის კავშირი ფერდინანდის ამ საქციელის განხილვას არ აპირებს, რაც იმას ნიშნავს, რომ რიო არ დაისჯება.

"ლივერპულის” მცველი დანიელ აგერი "ბარსელონას” მთავარ საზაფხულო სატრანსფერო მიზნად ითვლება, იტყობინება AS.

კატალონიური კლუბი ზაფხულის სატრანსფერო ფანჯარაზე დაცვის ხაზის გაძლიერებას გეგმავს და დანიის ეროვნული ნაკრების ცენტრალური მცველის გადაბირება "ბარსელონასთვის” პრიორიტეტული ვარიანტია.

ასევე გეტყვით იმასაც, რომ აგერმა მიმდინარე სეზონში "ლივერპულის” მაისურით ინგლისის ჩემპიონატის 27 შეხვედრაში მიიღო მონაწილეობა და 2 გოლის გატანა მოახერხა.

"ბარსელონას” თავდამსხმელმა ლიონელ მესიმ განაცხადა, რომ პროფესიონალურ კარიერას მშობლიურ არგენტინულ კლუბში დაასრულებს.

"არ ვიცი, როგორ გაგრძელდება ჩემი პროფესიონალური კარიერა, თუმცა ერთი რამ დანამდვილებით ვიცი, ის, რომ "ნიუელს ოლდ ბოისში” დავბრუნდები, რათა სწორედ იქ დავასრულო კარიერა”.

"ეს უკვე გადაწყვეტილი მაქვს. არგენტინის ჩემპიონატში თამაში მსურს”, – განაცხადა მესიმ.

შეგახსენებთ, რომ ამ წელს მესიმ "ბარსელონასთან” კონტრაქტი 2018-წლის ზაფხულამდე გაახანგრძლივა.

მადრიდის "რეალის” ნახევარმცველს ანხელ დი მარიას დაახლოებით ორი კვირის განმავლობაში მოუწევს უქმობა იმ დაზიანების გამო, რომელიც "მანჩესტერ იუნაიტედის” წინააღმდეგ მიიღო.

შეგახსენებთ, რომ არგენტინელმა ძლიერი ტკივილი იგრძნო კუნთზე და პირველი ტაიმის ბოლომდე ჩამთავრებაც კი ვერ შეძლო და საკუთარი ადგილი რიკარდო კაკას დაუთმო.

დღეს კი ცნობილი გახდა, რომ დი მარია ზემოთნახსენები დაზიანების გამო ლაზარეთში ორ კვირას გაატარებს. ასე რომ, ანხელი მადრიდელების ორ დაპირისპირებას გამოტოვებს, რომლებსაც ისინი ესპანეთის ჩემპიონატის ეგიდით გამართავენ, "სელტასა” და "მალიორკას” წინააღმდეგ.

”მანჩესტერ სიტის” მთავარმა მწვრთვნელმა რობერტო მანჩინიმ განაცხადა, რომ მისთვის ჯერ კდიევ უცნობია დატოვებს თუ არა მის გუნდს კოლო ტურე.

შეგახსენებთ, რომ არსებული კონტრაქტი მხარეებს ერთამანეთს მიმდინარე სეზონის ბოლომდე აკავშირებთ, ხოლო თავად მოთამაშეს მოედანზე გასვლის შანსი ბოლო დროს მხოლოდ ვინსენტ კომპანის ტრავმის გამო მიეცა.

”დაგვტოვებს თუ არა იგი ზაფხულს? მცირე შვებულება მეც მექნება. ხოლო თუ სერიოზულად ვისაუბრებთ, მაშინ ტურეს თაობაზე ამ ეტაპზე არაფრის თქმა შემიძლია. მნიშვნელოვანია, რომ ამჟამად იგი ჩინებულად თამაშობს.

კოლო ნამდვილი პროფესიონალია და სათანადო დამოკიდებულებასაც იმსახურებს. ვნახოთ თუ როგორ ითამაშებს იგი შემდგომ შეხვედრებშI”, – განცხადა იტალიელმა სპეციალისტმა.