ახალი ამბები - Archive

იტალიის ნაკრებისა და "მილანის” თავდამსხმელი მარიო ბალოტელი პლატინისა და ბრინჯაოსგან საკუთარი ქანდაკების დამზადებას აპირებს, რომელიც ფეხბურთელის სიმაღლის იქნება. ბალოტელი ძეგლის დადგმას თავისთან, ბრეშაში მდებარე სახლში აპირებს.

იტალიური პრესის ინფორმაციით, კომპოზიცია იმ ეპიზოდს განასახიერებს, როცა ბალოტელიმ ევროპის ჩემპიონატის ნახევარფინალურ მატჩში გერმანიის ნაკრების კარში გატანილი მეორე გოლი ორიგინალურად აღნიშნა.

"შეკვეთა უკვე მივიღე, მაგრამ ბალოტელისთან შეხვედრა არ მქონია. ფოტოგრაფიაში ვმუშაობ. რამდენიმე ვარიანტი შევთავაზე, მაგრამ მას სწორედ ის მომენტი უნდა, გოლის შემდეგ სერიოზული სახით კუნთების დემონსტრირება რომ დაიწყო. მე ის ანტიკური ათლეტის ვარიანტში წარმომიდგენია, თავად ქანდაკება კი კლასიკურ და პოპ სტილში დამზადდება”, – განაცხადა მოქანდაკე ლივიო სკარპელამ.

მადრიდის "რეალის” ყოფილმა მცველმა ივან ელგერამ განაცხადა, რომ თუკი "სამეფო კლუბი” მიმდინარე სეზონში უეფას ჩემპიონთა ლიგის თასს ვერ მოიგებს, ჟოზე მოურინიო სამუშაოდ სხვა კლუბში გადაბარგდება. 

 "ვფიქრობ, მოურინიო დაიღალა. განსაკუთრებით ყველაფერ იმის შემდეგ, რაც მიმდინარე სეზონში ხდებოდა. ცოტა დრო არაა, რაც პორტუგალიელი მადრიდში მუშაობს, ეს კი, დიდ ენერგიას მოითხოვს. ასეთი დატვირთვა ნებისმიერი მწვრთნელისთვის ძნელია. ახლა, ყველაფერი ჩემპიონთა ლიგაზეა დამოკიდებული. თუ "რეალი” გაიმარჯვებს, მოურინიო, შესაძლოა, დარჩეს. "რეალის” შემდეგი მწვრთნელი აუცილებლად ესპანელი უნდა იყოს”, - განუცხადა ელგერამ Football Espana-ს. 

 შეგახსენებთ, რომ ელგერა "რეალში” 1999-2007 წლებში ასპარეზობდა. 

ჟოზე მოურინიო ამ პიესის პირველი აქტის მთავარ გმირად ვერ იქცა. შესაძლოა, მეორე აქტში რაღაც შეიცვალოს, თუმცა ჯილდო საუკეთესო მეორეხარისხოვანი როლისთვის უკვე გარანტირებული აქვს.

ლეგენდარულმა არგენტინელმა ფეხბურთელმა დიეგო მარადონამ საკუთარი აზრი "ბარსელონას” ფორვარდ ლიონელ მესის შესახებ გამოხატა, რომელსაც იმავე მარადონასა და პელესთან ერთად მსოფლიო ფეხბურთის ყველა დროის საუკეთესო მოთამაშედ მიიჩნევენ.

"ვფიქრობ, ის დიდებული ფეხბურთელია, მაგრამ ვთვლი, რომ საუკეთესო მე ვარ. ვიმედოვნებ, მესი არგენტინის ნაკრებთან ერთად მსოფლიოს ჩემპიონატს მოიგებს, თუმცა ყველამ იცის, რომ ეს ადვილი საქმე არ იქნება. "მილანთან” გამართულ მატჩში მესი გალიაში მოათავსეს”, – ციტირებს მარადონას სიტყვებს ესპანური მედია.

შეგახსენებთ, რომ გასულ წელს მესიმ 91 გოლი გაიტანა, რითაც კალენდარულ წელიწადში გატანილი გოლების რაოდენობით გერდ მიულერის 40-წლიანი რეკორდი დაამხო. გარდა ამისა, მესიმ ზედიზედ მეოთხედ მოიგო "ოქროს ბურთი”.

ესპანეთის თასის განმეორებით ნახევარფინალურ შეხვედრაში მადრიდის "რეალმა” სტუმრად "ბარსელონა” ანგარიშით 3:1 დაამარცხა. მატჩში დუბლი შეასრულა "სამეფო კლუბის” პორტუგალიელმა თავდამსხმელმა კრიშტიანო რონალდუმ. მატჩის შემდეგ მადრიდელთა მცველმა სერხიო რამოსმა მეტოქე გუნდი დააფასა და რონალდუც შეაქო.

"ამ მატჩისთვის კარგად მოვემზადეთ. "ბარსელონას” წინააღმდეგ თამაში ყოველთვის ძნელია. კატალონიელები თავისუფალ ზონებს ეძებენ, რითაც მეტოქეს დიდ სირთულეს უქმნიან, თუმცა დღევანდელმა მატჩმა პრობლემების გარეშე ჩაიარა. გამარჯვება დავიმსახურეთ.

ყოველთვის ვამბობდი, რომ რონალდუ მსოფლიოს საუკეთესო ფეხბურთელია. ის ამ სიტყვებს სწორედ ასეთ მატჩებში ამტკიცებს”, – სერხიო რამოსის სიტყვები AS-მა გამოაქვეყნა.

კრიშტიანუ რონალდუ დუშ სანტუშ ავეირუ 

(პორტ: Cristiano Ronaldo dos Santos Aveiro) 

(დ. 5 თებერვალი, 1985, ფუნშალი, პორტუგალია) — პორტუგალიელი ფეხბურთელი, რომელიც ამჟამად მადრიდის რეალში ასპარეზობს.

 

რონალდუ ასევე პორტუგალიის საფეხბურთო ნაკრების წევრია. 

2007-2008 წლების სეზონში რონალდუმ მოიგო ჩემპიონთა ლიგა. გარდა ამისა, ის დაასახელეს პრემიერლიგის საუკეთესო ფეხბურთელად.

იოჰან კრუიფმა 2008 წლის 2 აპრილის ინტერვიუში პორტუგალიელ ფეხბურთელზე შემდეგი რამ თქვა: „რონალდუ უფრო ძლიერი ფეხბურთელია, ვიდრე ჯორჯ ბესტი და დენის ლოუ, მანჩესტერ იუნაიტედის ისტორიაში ორი საუკეთესო ფეხბურთელი".