ახალი ამბები - Archive

"ბარსელონაში” სკანდალი აგორდა. ესპანელმა ჟურნალისტებმა კატალონიური გუნდის ყოფილი მთავარი მწვრთნელის, ხოსეპ გვარდიოლას საქმიანობა დღის სინათლეზე გამოიტანეს. აღმოჩნდა, რომ პეპი თავის ფეხბურთელებს ფარულად აკონტროლებდა.

გვარდიოლა ყველაზე დიდ ყურადღებას კლუბის მცველ ხერარ პიკესა და შაკირას შორის გაბმულ რომანს უთმობდა. უფრო თუ დავაზუსტებთ, პეპმა წყვილზე თვალთვალისთვის დეტექტივები დაიქირავა, რომლებსაც "ბარსელონას” უსაფრთხოების სამსახური ებარათ.

"ბარსელონას” ნახევარმცველმა სესკ ფაბრეგასმა შეაქო საკუთარი თანაგუნდელები და გულშემატკივრებს შთაბეჭდილებები გაუზიარა "ელ კლასიკოს” წინ.

"მე მახსოვს გულშემატკივრის მხარდაჭერა მაშინ, როდესაც ჩვენ "ჩელსისთან” დავმარცხდით ჩემპიონთა ლიგის ნახევარფინალში. ეს იყო ფანტასტიკური. ასეთი მხარდაჭერა მე არ მიგრძვნია არასდროს”, - საუბრობს სესკი.

"რა თქმა უნდა, "ბარსელონას” ჰყავს საუკეთესო ტრიო მთელს მსოფლიოში და ისინი შეუჩერებლები არიან მოედანზე. ეჭვი არ მეპარება, რომ ამ სამი ფეხბურთელის წყალობით მიაღწია "ბარსელონამ” უდიდეს წარმატებას, მაგრამ გულშემატკივარს გუნდის წარმატებაში უდიდესი წვლილი მიუძღვის და ისინი რომ არა, ეს დიდი ოჯახი არც იარსებებდა”.

მანჩესტერ იუნაიტედის” ნახევარმცველმა რაიან გიგზმა განაცხადა, რომ უეფას ჩემპიონთა ლიგის მერვედფინალურ ეტაპზე, მადრიდის "რეალის” წინააღმდეგ გასამართი განმეორებითი მატჩისთვის გუნდი ეტაპობრივად ემზადება. ვეტერანი ფეხბურთელის თქმით, "მანჩესტერ იუნაიტედი” კარგ ფორმაშია.

"ალექს ფერგიუსონისთვის ძალიან ძნელი იქნება "რეალთან” გასამართი მატჩისთვის შემადგენლობის დაყენება. "მანჩესტერ იუნაიტედი” კარგ ფორმაშია, ასე რომ გუნდის დახმარება ბევრ მოთამაშეს შეუძლია. მადრიდელებთან გასამართ შეხვედრას მოუთმენლად ველით, თუმცა ამ მატჩისთვის გეგმები ჯერ არ დაგვიწყვია. "რეალთან” თამაშისთვის ეტაპობრივად უნდა მოვემზადოთ”, – განაცხადა "წითელი ეშმაკების” უელსელმა ფეხბურთელმა.

შეგახსენებთ, რომ მატჩი "მანჩესტერ იუნაიტედსა” და "რეალს” შორის 5 მარტს, "ოლდ ტრაფორდზე” შედგება. პირველი შეხვედრა ფრედ, ანგარიშით 1:1 დასრულდა.

"ბაიერნის” შემტევი, თომას მიულერი აცხადებს, რომ მიუნხენელებს ძლიერი გუნდი ჰყავთ და მათ "დორტმუნდის” დამარცხება სურთ.

შეგახსენებთ, რომ ხვალ, გერმანიის თასზე, ერთმანეთს "ბაიერნი” და "დორტმუნდი” დაუპირისპირდებიან.

"ვიცით, რომ "დორტმუნდს” კარგად თამაში შეუძლია და მათ ეს წარსულშიც დაგვანახეს. ძლიერი გუნდი გვყავს, საუკეთესო ფორმაში ვიმყოფებით და ცხადია, მოგება გვინდა. შეიძლება, ითქვას, ბორუსიელებთან შეხვედრა კარგ დროს გვიწევს. გვსურს, რომ გერმანიის თასზე წარმატებით გამოვიდეთ”, – აცხადებს 23 წლის ფეხბურთელი.