ახალი ამბები - Archive

ბოლო დროს, სტუმრად ჩატარებულ მატჩებში, „ფიორენტინა" აშკარად ვერ ბრწყინავს. სერია A-ს 26-ე ტურის ბოლო შეხვედრაში, ფლორენციელები ბოლონიას ეწვივნენ, სდაც ზედიზედ მე-4 გასვლითი თამაში წააგეს.

 პირველი ტაიმი „იებმა" მოიგეს. 27-ე წუთზე, ლიაიჩმა აკვილანის გადაცემა გამოიყენა. თუმცა, მე-2 ნახევარში, მოტამ და შეცვლაზე შესულმა კრისტოდულოპულოსმა სტუმრების კარში თითო ბურთი გაიტანეს და 3 ქულა ბოლონიაში დარჩა.

ბოლონია, "რენატო დალ არა”

ბოლონია (4-2-3-1): კურჩი, მოტა (გარიკსი 73), ანტონსონი, ჩერუბინი, მორლეო, პერესი (ტაიდერი 48), კრინი, კონე, დიამანტი, გაბიადინი (კრისტოდულოპულოსი 69), ჯილარდინო.

"მანჩესტერ სიტისთან” წაგებული მატჩის შემდეგ, ესპანელი ხუან მატა აცხადებს, რომ "ჩელსიმ” პრემიერ ლიგის საუკეთესო კლუბების წინააღმდეგ უკეთესად უნდა ითამაშოს.

შეგახსენებთ, რომ ინგლისის ჩემპიონატის გასულ ტურში, "სიტიმ” "ჩელსი” ანგარიშით, 2-0 დაამარცხა.

"ყველაზე მნიშვნელოვანი ის შეხვედრებია, როცა პრემიერ ლიგის საუკეთესო კლუბებს ვუპირისპირდებით. სწორედ ასეთ დროს უნდა დაამტკიცო, თუ რა დონისა ხარ. კვირას, საკმარისად კარგად ვერ ვითამაშეთ და ამიტომ დავმარცხდით, თუმცა სეზონი ჯერ არ დასრულებულა. როცა ისეთ გუნდს ხვდები, როგორიც "მანჩესტერ სიტია”, ბოლომდე უნდა დაიხარჯო. ჩვენ ყველაფერი ვცადეთ, მაგრამ მათ უკეთ ითამაშეს”, – აცხადებს ესპანელი ფეხბურთელი.

"მილანის” პრეზიდენტი, სილვიო ბერლუსკონი აცხადებს, რომ შესაძლოა, სეზონის დასრულების შემდეგ, ბოიან კრკიჩი "როსონერის” შემადგენლობაში დარჩეს.

შეგახსენებთ, რომ 22 წლის ფეხბურთელი 2011 წელს, "რომაში” გადავიდა, ხოლო 2012 წელს, "შავ-წითლებმა” ესპანელი "ჯალოროსიდან” ერთი წლით ინათხოვრეს.

"ჩვენ ვთვლით, რომ ბოიანი გუნდისთვის სასარგებლო ფეხბურთელია. ის მაღალი დონის მოთამაშეა. ვფიქრობ, შესაძლებელია, სეზონის შემდეგ, კრკიჩი ისევ "მილანში” იყოს”, – აცხადებს ბერლუსკონი.

"ვალენსიას” პარაგვაელმა შემტევმა, ნელსონ ჰაედო ვალდესმა "ღამურებთან” სრულფასოვანი კონტრაქტი გააფორმა.

 29 წლის ვალდესი "ვალენსიაში” მიმდინარე სეზონის დასაწყისში, "რუბინიდან” გადავიდა. თავდაპირველად, მხარეებმა არენდის ხელშეკრულება გააფორმეს, მაგრამ შემდეგ, ესპანელებს ვალდესის თამაში მოეწონათ და მასთან სრულფასოვანი კონტრაქტის გაფორმება გადაწყვიტეს. "ვალენსიას” ოფიციალური ვებგვერდის ცნობით, ვალდესი კლუბში 2015 წლის ზაფხულამდე ითამაშებს.

 ესპანეთის ჩემპიონატის მიმდინარე გათამაშებაში, ვალდესმა 20 შეხვედრა ჩაატარა. მიუხედავად იმისა, რომ ძირითად შემადგენლობაში ის მხოლოდ 4-ჯერ გამოჩნდა, პარაგვაელმა 5 გოლის გატანა მაინც მოახერხა

კატალონიის "ბარსელონას” ვარსკვლავ ლიონელ მესისა და მადრიდის "რეალის” მწვრთნელ ჟოზე მოურინიოს "დამეგობრება” მიხაელ ბალაკის გამოსამშვიდობებელი მატჩისთვის მოუწევთ. 

Football Espana-ს ცნობით, ორივე მათგანმა გერმანელის გამოსამშვიდობებელ მატჩში მონაწილეობაზე თანხმობა განაცხადა. 

 ბალაკი ფეხბურთს მსოფლიო ფეხბურთის ვარსკვლავების გარემოცვაში დაემშვიდობება. "ლევერკუზენის”, "ბაიერნისა” და "ჩელსის” ყოფილი ნახევარმცველი "დრიმ ტიმში” ითამაშებს, სადაც თავის ყოფილ თანაგუნდელებს გააერთიანებს. მათი მეტოქე ბალაკის ყოფილი მეტოქეებისგან შემდგარი გუნდი იქნება, რომელსაც მოურინიო უხელმძღვანელებს. 

დღეს,ნოუ კაპზე ელ კლასიკო გაიმართება.ბარსელონა და რეალი თასის ფინალისტის ვინაობის გასარკვევად იბრძოლებენ.პირველი მატჩი ფრედ,1-1 დასრულდა.

სამეფო კლუბის ლეგენდის აზრით,მადრიდულ კლუბს შეუძლია დღეს იმედები გაუცრუოს კატალონიურ გრანდს.ალფრედო დი სტეფანოს განცხადებით,თასის ფინალში სწორედ მისი ყოფილი გუნდი გავა.მან უარი განაცხადა დაესახელებინა უფრო ძლიერი მოთამაშე რონალდუსა და მესის შორის.

"ვფიქრობ,ძალიან რთული მატჩი იქნება,მაგრამ იმედი მაქვს სწორედ მადრიდის რეალი გავა ფინალში.კონკრეტული პროგნოზისგან თავს შევიკავებ,რადგან ფეხბურთში ყველაფერი ხდება.მთავარი,მონდომება იქნება.რა თქმა უნდა ძნელი იქნება ბარსელონას ნოუ კამპზე დამარცხება,მაგრამ არა შეუძლებელი.

"ბარსელონაში” სკანდალი აგორდა. ესპანელმა ჟურნალისტებმა კატალონიური გუნდის ყოფილი მთავარი მწვრთნელის, ხოსეპ გვარდიოლას საქმიანობა დღის სინათლეზე გამოიტანეს. აღმოჩნდა, რომ პეპი თავის ფეხბურთელებს ფარულად აკონტროლებდა.

გვარდიოლა ყველაზე დიდ ყურადღებას კლუბის მცველ ხერარ პიკესა და შაკირას შორის გაბმულ რომანს უთმობდა. უფრო თუ დავაზუსტებთ, პეპმა წყვილზე თვალთვალისთვის დეტექტივები დაიქირავა, რომლებსაც "ბარსელონას” უსაფრთხოების სამსახური ებარათ.