ახალი ამბები - Archive

კრიშტიანუ რონალდუს დუბლმა მადრიდელებს მორიგი სამი ქულა მოუტანა.

"სელტა” 1:2 "რეალი”

 გოლები: ასპასი 63 – რონალდუ 61, 71 (პენალტი)

"სელტა”: ვარასი, კასტრო, დემიდოვი, ტუნიესი, ლაგო, ოუბინია, ალექს ლოპესი (პრანიჩი 56), კრონ-დელი (პარკი 81), ფერნანდესი, დე ლუკასი (ბერმეხო 61), ასპასი.

"რეალი”: დიეგო ლოპესი, მარსელო, ალბიოლი, პეპე, ესიენი, ხედირა (ალონსო 46), მოდრიჩი, ოზილი, რონალდუ, კალეხონი (კაკა 66), ბენზემა (იგუაინი 66).

გაფრთხილება: დე ლუკასი, ვარასი – ალბიოლი

"მილანის” თავდამსხმელი, ჯამპაოლო პაცინი "ბარსელონასთან” გასამართ შეხვედრას გამოტოვებს.

28 წლის ფეხბურთელმა ტრავმა "ჯენოასთან” ჩატარებულ შეხვედრაში მიიღო. პაცინიმ კოჭი დაიზიანა, რის გამოც, 22-ე წუთზე ბალოტელიმ შეცვალა.

"შავ-წითლების” განაცხადი "ბარსელონასთან” გასამართი შეხვედრისათვის კი ასე გამოიყურება:

მეკარეები: აბიატი, ამელია, გაბრიელი.

მცველები: მექსე, იეპესი, ბონერა, დე შილიო, აბატე, ანტონინი, საპატა.

ნახევარმცველები: ბოატენგი, ამბროზინი, კონსტანტი, ფლამინი, მონტოლივო, მუნტარი, ტრაორე, ნოჩერინო.

თავდამსხმელები: რობინიო, ელ შაარავი, ნიანგი, ბოიანი.

ინგლისური "თოქსპორტის” მიერ გავრცელებული ინფორმაციის თანახმად, "ლივერპული” მადრიდის "რეალის” ნახევარმცველ ჩაბი ალონსოს დაბუნებას აპირებს. შეგახსენებთ, რომ ესპანელი ფეხბურთელი მერსისაიდული გუნდის ღირსებას 2004-დან 2009 წლამდე იცავდა.

ალონსოს "სამეფო კლუბთან” მოქმედი კონტრაქტი 2014 წელს ეწურება, მის გახანგრძლივებას კი არ გეგმავს მანამ, სანამ არ გაირკვევა – დარჩება თუ არა გუნდში ჟოზე მოურინიო. "ლივერპულის” ხელმძღვანელობა იმედოვნებს, რომ შექმნილი მდგომარეობით ისარგებლებს და 31 წლის ნახევარმცველს დაიბრუნებს. სხვათა შორის, ალონსომ არაერთხელ თქვა, რომ მერსისაიდულ გუნდთან კარგი მოგონებები აკავშირებს და ის "ენფილდროუდელთა” დიდი ქომაგია.

მანჩესტერ "იუნაიტედის" 39 წლის ნახევარმცველი რაიან გიგზი გამოტყდა, რომ სამშაბათს "რეალის" წინააღმდეგ ჩემპიონთა ლიგის 1/8 ფინალური მატჩის დროს ნანის გაძევებამ იგი შოკში ჩააგდო.

 "ოლდ ტრაფორდზე" ჩატარებული მატჩი რაიან გიგზისთვის პროფესიონალურ კარიერაში მე–1000 იყო. გასულ 999 მატჩში უელსელს არ განუცდია ისეთი შოკი, როგორიც "რეალთან" მატჩში ნანის გაძევებამ მოჰგვარა.

"მე მაშინვე მივარდი მასთან(მსაჯ ჯუნეით ჩაქირთან), რათა მეთქვა რომ ნანი ბურთს უყურებდა. ამის შემდეგ მე საჯარიმოსთან დავბრუნდი, რადგან მეგომა, რომ მოწინააღმდეგე სტანდარტს გაითამაშებდა."

 "მე მსაჯს ვუყურებდი მაშინ როდესაც მან ნანის წითელი ბარათი უჩვენა. საფეხბურთო მოედანზე ასეთი შოკი არასდროს არ განმიცდია, რადგან წითელ ბარათის ჩვენებას არ ველოდი. არასდროს მინახავს, რომ სტადიონი ასეთი გაოცებული ყოფილიყო

"მილანის” თავდამსხმელი მარიო ბალოტელი გუნდის მთავარი მწვრთნელის მასიმილიანო ალეგრის აზრს ეთანხმება, რომელმაც განაცხადა, რომ "ბარსელონას” მსოფლიოს ძლიერ გუნდად თვლის.

მოგეხსენებათ, "მილანი” და "ბარსელონა” ერთმანეთს ჩემპიონთა ლიგის 1/8 ფინალურ ეტაპზე დაუპირისპირდნენ. პირველი მატჩში 20 თებერვალს მილანში გაიმართა და "როსონერის” გამარჯვებით დასრულდა, 2:0. განმეორებითი შეხვედრა კი ბარსელონაში 12 მარტს გაიმართება.

"ჩემპიონთა ლიგაზე თამაში არ შემიძლია, თუმცა გუნდთან ახლოს ვიქნები. "ბარსელონა” – მსოფლიოს ძლიერი გუნდია, და ისინი რეაბილიტაციის მოხდენას შეეცდებიან. მათ ბოლო პერიოდში გარკვეული პრობლემა შეექმნათ, თუმცა კვლავ მსოფლიოში საუკეთესოებად რჩებიან”, – განაცხადა ბალოტელიმ