ახალი ამბები - Archive

BBC-ის ცნობით, მსოფლიოს ყველაზე მდიდარი ფეხბურთელი ფრანგული "პარი სენ-ჟერმენის” შუახაზელი, ინგლისელი დევიდ ბექჰემია. მისი ქონება დაახლოებით 261 მილიონ დოლარს შეადგენს.

 "ბექჰემი განსახიერებაა იმ ეპოქისა, როცა ფეხბურთელები მხოლოდ ცნობილი სპორტსმენები აღარ არიან, არამედ გლობაურ საბაზრო აქტივებს ფლობენ და სპორტთან ერთად თამამად მიაბიჯებენ შოუბიზნესის სფეროშიც”, – ნათქვამია სააგენტოს ტექსტში.

 მეორე ადგილი, 172 მილიონი დოლარით, კატალონიური "ბარსელონას” არგენტინელმა ლიონელ მესიმ დაიკავა, მესამე – მადრიდის "რეალის” პორტუგალიელმა კრიშტიანუ რონალდუმ. მას "მხოლოდ” 167 მილიონი ჰქონია.

უკრაინელმა ფეხბურთელმა ანდრეი შევჩენკომ უეფას ჩემპიონთა ლიგის მერვედფინალურ ეტაპზე, "ბარსელონასა” და "მილანს” შორის დღეს გასამართ განმეორებით მატჩზე ისაუბრა და აღნიშნა, რომ კატალონიურ გუნდს მომდევნო ეტაპზე გასვლა გაუჭირდება.

"მილანის” ვიცე-პრეზიდენტი, ადრიანო გალიანი ამბობს, რომ "ბარსელონას” არგენტინელი თავდამსხმელი, ლიონელ მესი მონსტრია, რომელსაც გოლის გატანა ნებისმიერ დროს შეუძლია.

შეგახსენებთ, რომ 12 მარტს, "ნოუ კამპი” ჩემპიონთა ლიგის მერვედფინალის განმეორებით მატჩს უმასპინძლებს, რომელშიც ერთმანეთს "ბარსელონა” და "მილანი” დაუპირისპირდებიან.

"მსოფლიოს საუკეთესო გუნდის წინააღმდეგ მოგვიწევს თამაში. მესი მონსტრია, რომელსაც გოლის გატანა ნებისმიერ დროს შეუძლია. მომდენო ეტაპზე გასულები ჯერ არ ვართ. წინ დიდი ბრძოლა გველის. "ბარსელონას” წინააღმდეგ თამაში ყოველთვის შესანიშნავია, რადგან სტადიონზე საუცხოო ატმოსფერო სუფევს”, – ციტირებს გალიანის სიტყვებს "მილანის” ოფიციალური საიტი.

ესპანეთის ჩემპიონატის 27-ე ტურის ბოლო მატჩში ერთმანეთს პრიმერაში დარჩენისთვის მებრძოლი გუნდები დაუპირისპირდნენ. „ლა რომარედაზე" გამართულ მატჩში უპირატესობას მასპინძლები ფლობდნენ, მაგრამ ვერც „სარაგოსამ" და ვერც „გრანადამ" გოლის გატანა ვერ მოახერხეს.

სარაგოსა, "ლა რომარედა”

სარაგოსა (4-2-3-1): ფრანკო, საპუნარუ, გონსალესი, პინტერი, აბრაჰამი, ხოსე მარი (ბაბოვიჩი 71), მოვილია, როჩინა (ბიენვენუ 78), როდრიგესი (ორიოლი 60), მონტანიესი, პოშტიგა.

მწვრთნელი: მანოლო ხიმენესი.

ხანგრძილივი, წარუმატებელი სერიის შემდეგ, მერსესაიდის "ლივერპულის" რიგებში სიტუაცია ოდნავ გაუმჯობესდა. ბრენდან როჯერსის გუნდმა ინგლისის პრემიერ ლიგის ზედიზედ მესამე ტურში იმარჯვა და გუნდი მეექვსე ადგილზე დაამკვიდრა.

გასულ კვირებზე წითლებმა ჯერ "სუონსი" დაამარცხა ანგარიშით 5-0 ხოლო შემდეგ უიგან "ატლეტიკის" წინააღმდეგ იმარჯვა ანგარიშით 0-4. ყველაზე მთავარი კი გასულ დღეს მოხდა. 

ხუთი ტურის მანძილზე უძლეველი ტოტენჰემ "ჰოთსპური," თავისი უძლეველი და შეუჩერებელი უელსელით - გარეტ ბეილით, ლივერპულმა საკუთარ მოედანზე, ენფილდ "როუდზე" მიიღო და მძიმე ბრძოლაში, ანგარიშით 3-2 დაამარცხა.

პორტუგალიელ სპეციალისტს მადრიდული კლუბის ხელმძღვანელობასთან შეთანხმება აქვს გაფორმებული, რომლის თანახმადაც მან დაკავებული პოსტი უნდა დატოვოს.

როგორც ესპანური პრესა იტყობინება, მიმდინარე სეზონის დასრულების შემდეგ ჟოზე მადრიდს დატოვებს. აღმოჩნდა, რომ მოურინიო და "თეთრების” ბოსები ჯერ კიდევ ზამთარში შეთანხმდნენ იმის შესახებ, რომ ზაფხულში პორტუგალიელმა "რეალის” თავკაცის პოსტი უნდა დატოვოს.

Cadena SER-ის განცხადებით, ჟოზე, მიუხედავად ბოლოდროინდელი ნაყოფიერი მუშაობისა, ამ სეზონის დასრულების შემდეგ "რეალიდან” წავა. პრესა პორტუგალიელს მომავალ სამუშაო ადგილად ინგლისურ "ჩელსისა” და "მანჩესტერ სიტის” ან ფრანგულ "პარი სენ ჟერმენს” უწინასწარმეტყველებს.

ესპანეთის ნაკრების მთავარი მწვრთნელი ვისენტე დე ბოსკე თვლის, რომ ჩემპიონთა ლიგაზე "ბარსელონას” ფიასკომ შეიძლება "ფურია როხაზე” უარყოფითი გავლენა მოახდინოს.

"მილანთან” გასამართი განმეორებითი მატჩი მნიშვნელოვანია არა მარტო "ბარსასთვის, არამედ ესპანეთის ნაკრებისთვისაც. კატალონიური გუნდის დამარცხებამ შესაძლოა, გავლენა იქონიოს ესპანეთის ნაკრების მორალურ მდგომარეობაზე. თუ "ბარსელონა” მეოთხედფინალში ვერ გავა, ფეხბურთელები იმედგაცრუებულები დარჩებიან.

"ბლაუგრანას” გამარჯვება ნაკრების მორიგი წარმატების საწინდარი იქნება. გუნდს საკმაოდ რთული ამოცანა აქვს, თუმცა მჯერა, რომ "ბარსელონა” ამ ბარიერს გადალახავს. "ბარსა” და "რეალი” ნაკრების ხერხემალია და გვინდა, რომ ამ გუნდის ფეხბურთელებს კარგი განწყობა ჰქონდეთ”, – განაცხადა დელ ბოსკემ.