Main »
2013 » April » 9 » მოტა ბარსელონასთან ითამაშებს
მოტა ბარსელონასთან ითამაშებს
პარიზელების ნახევარმცველი ჩემპიონთა ლიგის 1/4 ფინალის განმეორებით შეხვედრაში მონაწილეობის მიღებას შეძლებს.
"პსჟ”-ს მთავარმა მწვრთნელმა კარლო ანჩელოტიმ იტალიელი ნახევარმცველი ტიაგო მოტა "ბარსელონას” ჩემპიონთა ლიგის მეოთხედფინალის განმეორებითი შეხვედრის განაცხადში შეიყვანა, რომელიც ოთხშაბათს "კამპ ნოუზე” გაიმართება.
მოტამ, შეგახსენებთ, პირველი მატჩი, რომელიც ანგარიშით 2:2 დასრულდა, საზარდულის ტრავმის გამო გამოტოვა. ახლა კი, ნახევარმცველი სრულიად გამონჯამრთელდა, და, შესაძლოა, მოედანზე სასტარტო შემადგენლობაში ვიხილოთ.
კატალონიურ გრანდთან გასამართი საპასუხო შეხვედრის წინ "პსჟ”-ს ერთადერთი დანაკლისი დისკვალიფიცირებული ბლეზ მატუიდი გახდა, რომელმაც ზედმეტი ყვითელი ბარათი მიიღო.
