ახალი ამბები - Archive

ტურინის "იუვენტუსის” ერთ-ერთი ლიდერი ანდრეა პირლო აცხადებს, რომ მიუხედავად გლაზგოში დიდი ანგარიშით მოგებისა, მისი გუნდი ჩემპიონთა ლიგის 1/4-ფინალში გასული ჯერ არაა.

1/8-ფინალის პირველ შეხვედრაში, ტურინელებმა "სელტიკი” გასვლაზე 3:0 დაამარცხეს, მაგრამ პირლო "მილანსა” და "ლივერპულს” შორის ჩემპიონთა ლიგის ფინალში გამართულ ძალზე დრამატულ შეხვედრას იხსენებს და აცხადებს, რომ 1/4-ფინალზე ფიქრი სახიფათოა.

"ფეხბურთს საკმაოდ დიდი ხანია ვთამაშობ და ვიცი, რომ სასწაულები ხშირად ხდება.

დღემდე თვალწინ მიდგას "ლივერპულის” წინააღმდეგ გამართული ფინალი. მაშინ, "წითლებს” 3 გოლის გასატანად ერთი ტაიმი ეყოთ, "სელტიკს” კი, ამისთვის მთელი თამაში აქვს.

რა თქმა უნდა, მოგებამ შემდეგ ეტაპზე გასვლის შანსები მნიშვნელოვნად გაგვიზარდა, მაგრამ სახიფათოა იმაზე ფიქრი, რომ უკვე 1/4-ფინალში ვართ.” – ციტირებს ანდრეა პირლოს სიტყვებს Sky Sports-ი.

წინასწარი მონაცემებით, წმინდა ვალენტინის დღესთან დაკავშირებით, გოგონას შეყვარებულისთვის სიურპრიზის გაკეთება უნდოდა. ის სპორტსმენის სახლში ღამის 4:00 საათზე შევიდა და გააღვიძა. შეშინებულმა სპორტსმენმა ხელი იარაღს დასტაცა და გაისროლა. 

ოსკარ პისტორიუსი მოდელ შეყვარებულს რივა სტინკემპს 1 წლის განმავლობაში ხვდებოდა. სპორტსმენი ამჟამად დაკავებულია და სასამართლო პროცესს ელოდება.

როტერდამის ტურნირის მოქმედი გამარჯვებული როჯერ ფედერერი ტიტულის დაცვას დამაჯერებლად შეუდგა. 31 წლის შვეიცარიელმა სასტარტო მატჩში სლოვენიელ გრეგა ზემლიას 6:3, 6:1 მოუგო და მეოთხედფინალში გასასვლელად ჰოლანდიელ ტიემო დე ბაკერს შეხვდება.

ფედერერისა და ზემლიას მატჩი მხოლოდ 57 წუთს გაგრძელდა. სადიდსლემო ტურნირების 17-გზის ტრიუმფატორმა 3 ეისი შეასრულა და მთლიანობაში შეხვედრით კმაყოფილი დარჩა: "კორტზე კარგად ვმოძრაობდი და ზუსტი დარტყმების შესრულებასაც ვახერხებდი. როტერდამის ტურნირის კიდევ ერთხელ მოგება მინდა. ამ შეჯიბრებაზე სხვა მიზანი არ მაქვს”.