ახალი ამბები - Archive

მოგეხსენებათ,კვირას ყველა ვარსკვლავის მატჩის მიმდინარეობისას სხვადასხვა სახის კონკურსები გაიმართება.ერთ-ერთი მათგანია შეჯიბრი სამქულიან ტყორცნებში.

როგორც გაირკვა,ორლანდო მეჯიკის საუკეთესო მსროლელი ჯეი ჯეი რედიკი საკალათბურთო ასოციაციისგან მოწვევას ელოდა აღნიშნულ კონკურზე,თუმცა სამწუხაროდ ეს არ მოხდა,რამაც 28 წლის მოთამაშეს გული დაწყვიტა.

"არ ვიცი,რა კრიტერიუმებით ირჩევა მოთამაშეები იმ კონკურსისათვის.ვფიქრობ,მათ შემთხვევით ირჩევენ.გავიგე,თითქოს ისინი არჩევანს აკეთებენ ვარსკვლავთა შორის ვარსკვლავებზე.იმედია,მათ რიცხვში როდესმე მოვხვდები.”-განაცხადა ჯეი ჯეი რედიკმა.

გერმანიის ნაკრების მცველი, ჰოლგერ ბადშტუბერი დარწმუნებულია, რომ "ბაიერნს” შეუძლია, ევროპის საუკეთესო კლუბი გახდეს და კატალონიურ "ბარსელონასაც” აჯობოს.

მოგეხსენებათ, ბოლო სამ სეზონში, მიუნხენელები ჩემპიონთა ლიგი ფინალში ორჯერ მოხვდნენ, თუმცა გამარჯვება ვერცერთ შემთხვევაში მოახერხეს.

"ბაიერნს” შეუძლია ევროპის საუკეთესო კლუბი იყოს და "ბარსელონასაც” აჯობოს”, – განუცხადა ბადშტუბერმა Bild-ს.

23 წლის ფეხბურთელს, ამჟამად, მუხლის ტრავმა აწუხებს: "იმედი მაქვს, რომ მალე დავბრუნდები. ამ დროისთვის, ეს ჩემი მთავარი მიზანია.”

დონეცკის „შახტარმა" პორტუგალიური „ბრაგადან"  ბრაზილიელი მცველი  ისმაილი დაიმატა.

შეთანხმების თანახმად ისმაილი „შახტარში" 5 წელს დაჰყოფს. მისმა სატრანსფერო ღირებულებამ, „შახტარის" ოფიციალური საიტის ცნობით 4 მილიონი ევრო შეადგინა.

„ბრაზილიაში საკმაოდ ბევრი მესმოდა „შახტარის" შესახებ. იქ მასზე როგორც ერთ-ერთ მზარდ კლუბზე საუბრობენ. ასევე ვიცოდი, გუნდში ბევრი ჩემი თანამემამულე თამაშობს. ხოლო როცა გუნდში მოვედი, რა თქმა უნდა, აღვფრთოვანდი, რაც ვნახე – ყველაფერმა გამაოცა. მიმაჩნია, რომ „შახტარი" ფანტასტიკური კლუბია!".

მიმდინარე სეზონში ლოს ანჯელესი არც თუ ისე წარმატებულად ასპარეზობს,რაც გუნდში მომხდარი ცვლილებებით არის განპირობებული.

მოგეხსენებათ,სეზონის დასაწყისში გუნდმა ყოფილი მწვრთნელი მაიკ ბრაუნი დაითხოვა.ამასთანავე,ლეიკერსიდან წავიდა ენდრიუ ბაინამი.კლუბში მოვიდა ახალი თავკაცი მაიკ დანტონის სახით და ახალი კალათბურთელები:დუაიტ ჰოვარდი და სტივ ნეში.ბრაუნის განცხადებით,მის ყოფილ გუნდს ჯერ კიდევ აქვს შანსი სეზონის გადარჩენის.

მადრიდის "რეალის” ცენტრალური მცველი სერხიო რამოსი დარწმუნებულია, რომ მის გუნდს "მანჩესტერ იუნაიტედის” ბარიერის დაძლევა და ჩემპიონთა ლიგის 1/4-ფინალში გასვლა შეუძლია.

1/8-ფინალის პირველ შეხვედრაში, "რეალმა” და "მანჩესტერმა”, მადრიდში, 1:1 ითამაშეს. სტუმრებმა ანგარიში მას შემდეგ გახსნეს, რაც უელბეკმა რამოსს აჯობა და თავით ზუსტად დაარტყა. მადრიდელთა უკანახაზელი თავის დანაშაულს აღიარებს, მაგრამ არც მსაჯის შეცდომას ივიწყებს.

"გოლის დროს, უელბეკმა მაჯობა. თუმცა, ამ ეპიზოდამდე, არბიტრმა კუთხური შეცდომით დანიშნა. ჩემპიონთა ლიგა ისეთი ტურნირია, რომელშიც ასეთი პატარა შეცდომაც კი შეიძლება ძვირად დაგიჯდეს.

"ჩიკაგოს" ლიდერი დერიკ როუზი ჟურნალისტებთან ინტერვიუს დროს გამოტყდა, რომ ჯერ კიდევ განიცდის ტკივილებს და მუხლის ჯვარედინი იოგების გაწყვეტის შემდეგ ბოლომდე ვერ მოხერხდა ტრავმის მორჩენა.

"თუ გავა კიდევ დიდი დრო და ვერ ვიგრძნობ რომ უკეთეს მდგომარეობაში ვიმყოფები, რა თქმა უნდა, ამ სეზონში აღარ ვითამაშებ. მე ძალიან მსურდა ამ რეგულარულში თამაში და ამიტომაც სრული სერიოზულობით ვეპყრობოდი როგორც სარეაბილიტაციო პერიოდს, ასევე სავარჯიშო პროცესსაც, თუმცა რადგან არსებობს მცირე რისკიც კი იმისა რომ კიდევ უფრო გავიმიზეზო გაზაფხულზე მიღებული სერიოზული ტრავმა, ჩემთვის მიმდინარე სეზონი ნაადრევად დასრულდა" - ციტირებს როუზის სიტყვებს The Associated Press

"ნიუ იორკის" ფორვარდმა და უდავო ლიდერმა კარმელო ენტონიმ ჟურნალისტებთან პრესკონფერენციაზე განაცხადა, რომ შესაძლოა მან გამოტოვოს 17 თებერვალს ჰიუსტონში გასამართი ყველა ვარსკვლავთა მატჩი, მიზეზი კი მარჯვენა ხელის მცირე ტრავმაა - იტყობინება  The SportsXchange.

"მელომ" დაზიანება "ტორონტოსთან" დაპირისპირებისას (88:92) მიიღო, მაგრამ მიუხედავად ამისა მან მაინც შეძლო მატჩის ბოლომდე ჩამთავრება. შეგახსენებთ, რომ ენტონი ყველა ვარსკვლავთა მატჩში აღმოსავლეთის ნაკრებში ძირითად ხუთეულში გახლავთ არჩეული.