ახალი ამბები - Archive

მიუხედავად იმისა, რომ ალექსისმა თავისი ღირებულება სრულად ვერ გაამართლა „ბარსაში", იტალიურ კლუბებს კვლავ ახსოვთ მისი ბრწყინვალე გამოსვლა „უდინეზეს" რიგებში და მათთვის კვლავ სასურველ ფეხბურთელად რჩება. ამიტომაცაა, რამდენიმე იტალიური გამოცემა ავრცელებს ცნობას,  რომ „იუვე" დაინტერესებულია მისი გადაბირებით შემდეგი სეზონისთვის.

მათი ინფორმაციით ტურინელთა მწვრთნელს, ანტონიო კონტეს სწამს, ჩილელი ფეხბურთელი იდეალური პარნტნიორი იქნება ფერნანდო ლიორენტესთვის შეტევის ხაზში და ამიტომ კლუბს თხოვს მის გადმობირებას. უფრო მოსალოდნელია იტალიელებმა „ბარსას" არენდის მოთხოვნით მიმართონ. არაა გამორიცხული მისი გამოსყიდვაც განიზრახონ, მაგრამ ჟურნალისტების ვარაუდით ისინი 30 მილიონ ევროზე მეტს ვერ გაიმეტებენ. ხოლო ალექსისის სატრანსფერო ღირებულება დაახლოებით 40 მილიონ ევროა.

„არსენალის" დამრიგებელი არსენ ვენგერი თვლის, რომ „ბაიერნის" დამარცხების შემთხვევაში ჩემპიონთა ლიგის 1/8-ფინალურ ეტაპზე, კლუბი ტურნირზე გამარჯვებისთვის გააგრძელებს ბრძოლას.

„ჩვენ გერმანელების წინააღმდეგ სერიოზული დაპირისპირება გველის. თუ გამოგვივა და გადავლახავთ ამ ეტაპს, რატომ არ შეიძლება თასის აღებისთვისაც ვიბრძოლოთ.

მოჩვნებითია, იმის ვარაუდი, რომ წარუმატებელი სერიის შეწყვეტა  ინგლისის თასის მოგებით უფრო ადვილი იქნება. სინამდვილეში არასდროს იცი რამდენად რთული გამოდგება ესა თუ ის დაპირისპირება"- განუცხადა არსენ ვენგერმა ფიფას ოფიციალურ საიტს

კვიპროსზე რუსეთის ფეხბურთის ნაციონალური ლიგის თასის მეორე გათამაშება მიმდინარეობს. ეს ორგანიზაცია რუსეთის პირველი ლიგის გათამაშებას ატარებს და ამ ტურნირშიც ხსენებული ლიგის 8 წარმომადგენელი მონაწილეობს. გუნდები ორ 4-გუნდიან ჯგუფად არიან დაყოფილნი. პირველადგილოსნები ფინალში შეხვდებიან ერთმანეთს, მეორეადგილოსნები III-IV, მესამედგილოსნები - V-VI, მეოთხეადგილოსნები კი VII-VIII ადგილებს გაითამაშებენ. ტურნირს მოსამზადებელი დატვირთვაც აქვს და მატჩების სიუხვეც ამითაა განპირობებული.

ბრაზილიური "ბოტაფოგოს” ვეტერანი ნახევარმცველი, კლარენს ზეედორფი ამბობს, რომ ნეიმარის მესისა და რონალდოსთან შედარება "უსამართლობაა”.

მოგეხსენებათ, 21 წლის ფორვარდი ბოლო დროს ძალიან კარგად თამაშობს, ამიტომ გულშემატკივრები მას რონალდოსა და მესის ადარებენ.

"ის ძალიან ახალგაზრდაა და ამავე დროს, ეროვნულ ნაკრებშიც იძახებენ. ნეიმარის მესისა და რონალდოსთან შედარება უსამართლობაა. მიუხედავად ამისა, მისი თამაშის ყურება ძალიან მომწონს და იმედი მაქვს, მომავალში ბევრ წარმატებას მიაღწევს.

ხვალ, ინგლისის ფეხბურთის ასოციაციის თასზე ლონდონის "არსენალი” "ბლექბერნ როვერსს” მიიღებს. "მეთოფეთა” მთავარი მწვრთნელი არსენ ვენგერი იმედოვნებს, რომ მიმდინარე სეზონში გუნდი რომელიმე სათასო ტურნირის გამარჯვებული გახდება.

"ეს რიგითი მატჩია, რომლის გამარჯვებით დასრულებაც გვსურს. ვფიქრობ, რომ ინგლისის თასი მნიშვნელოვანი ტურნირია. ამ გათამაშებას ყოველთვის სერიოზულად ვუდგებით. შეხვედრას კარგი განწყობით ვხვდებით და გოლების გატანასაც ვაპირებთ”, – განაცხადა მატჩისწინა პრესკონფერენციაზე მუსიე არსენმა.