“მეთოფეები” “ვარდებთან” შესახვედრად ემზადებიან

ხვალ, ინგლისის ფეხბურთის ასოციაციის თასზე ლონდონის "არსენალი” "ბლექბერნ როვერსს” მიიღებს. "მეთოფეთა” მთავარი მწვრთნელი არსენ ვენგერი იმედოვნებს, რომ მიმდინარე სეზონში გუნდი რომელიმე სათასო ტურნირის გამარჯვებული გახდება.

"ეს რიგითი მატჩია, რომლის გამარჯვებით დასრულებაც გვსურს. ვფიქრობ, რომ ინგლისის თასი მნიშვნელოვანი ტურნირია. ამ გათამაშებას ყოველთვის სერიოზულად ვუდგებით. შეხვედრას კარგი განწყობით ვხვდებით და გოლების გატანასაც ვაპირებთ”, – განაცხადა მატჩისწინა პრესკონფერენციაზე მუსიე არსენმა.

"ბლექბერნ როვერსთან” ფავორიტები ვართ, თუმცა ჩვენს მეტოქეს დასაკარგი არაფერი აქვს. "ვარდებს” გამოცდილი მოთამაშეები ჰყავს, რომლებიც თავის დროზე პრემიერლიგაში ასპარეზობდნენ. ასე რომ, სიფრთხილე გვმართებს, თუმც ეს ჩვენს მიზნებს არ ცვლის”, – დაამატა "არსენალის” ფრანგმა თავკაცმა.

მატჩი ხვალ, თბილისის დროით 19:00 საათზე იწყება