ახალი ამბები - Archive

ალონსომ "ენფილდროუდელთა” რიგებში 210 მატჩი ჩაატარა, მოიგო ჩემპიონთა ლიგა და ინგლისის თასი.

"ბიბისისთან” ინტერვიუში 31-წლის ფეხბურთელმა განაცხადა, რომ "ლივერპულის” მატჩებს დიდი ინტერესით ადევნებს თვალ-ყურს.

"ბრენდან როჯერსი დიდი პროექტის მშენებლობას შეუდგა. პირველ რიგში, მერსისაიდელებს მოთმინება მართებთ. ყველა ერთად ვხედავთ, როგორ იბრძვის გუნდი ჩემპიონთა ლიგის საგზურის მოსაპოვებლად.

მოგეხსენებათ, მადრიდის "რეალი” "ტოტენჰემ ჰოთსპურის” უელსელი მარცხენაფლანგელის, გარეტ ბეილის გადაბირებაზე მუშაობს. "სამეფო კლუბს” სერიოზული კონკურენტი გამოუჩნდა. აღნიშნული ტრანსფერის განხორციელებას მიუნხენის "ბაიერნიც” შეეცდება.

ბრიტანული "დეილი მეილის” ინფორმაციით, ბავარიელები ფეხბურთელის სანაცვლოდ "დეზებს” 60 მილიონ ევროს შესთავაზებენ.

=

მადრიდის "რეალის” ნახევარმცველი ჩაბი ალონსო "რაიო ვალიეკანოსთან” ესპანეთის პრიმერა დივიზიონის 24-ე ტურის მატჩში მოედანზე გასვლას ვერ შეძლებს. AS-ის ცნობით, შუახაზელს ტრავმა არ აძლევს თამაშის საშუალებას.

ალონსოს საზარდული აწუხებს და მადრიდელები გარისკვას არ აპირებენ. მოგეხსენებათ, შუახაზელმა "მანჩესტერ იუნაიტედთან” უეფას ჩემპიონთა ლიგის პირველი 1/8-ფინალური მატჩი გამაყუჩებლის დახმარებით ითამაშა.

ჯერჯერობით, უცნობია, როდის იქნება ალონსო 100%-ით ჯანმრთელი. სავარაუდოდ, ესპანელი მანჩესტერელებთან საპასუხო მატჩში მონაწილეობას მიიღებს.

"მანჩესტერ იუნაიტედის” მთავარი მწვრთნელი სერ ალექს ფერგიუსონი დარწმუნებულია, რომ მისი ამჟამინდელი გუნდის შემადგენლობა უფრო ძლიერია, ვიდრე 1999 წელს იყო, როდესაც მანჩესტერელებმა ჩემპიონთა ლიგა, ინგლისის ჩემპიონატი და ასოციაციის თასი მოიგეს.

"მახსოვს, 1998/1999 წლების სეზონის დეკემბერში "მიდლსბროსთან” წავაგეთ და მას შემდეგ არ წაგვიგია. იმ სეზონში ინგლისის თასის გათამაშება ნამდვილად რთული იყო, რადგან ყოველ რაუნდში პრემიერლიგის გუნდები გვიპირისპიდებოდნენ. სასიამოვნოა იმის გახსენება, თუ მათ როგორ ვუმკლავდებოდით, როდესაც ისეთი ძლიერი ფეხბურთელები არ გვყავდა, როგორც ახლა.

კატალონიური Mundo Deportivo იმ ცენტრალური მცველების ჩამონათვალს ავრცელებს, რომლებსაც "ბარსელონა” აკვირდება. როგორც ცნობილია, ტიტო ვილანოვას გუნდმა, ზაფხულში, ახალი ცენტრალური მცველის დამატება მტკიცედ გადაწყვიტა. აქამდე არსებული ინფორმაციით, კატალონიელთა ფავორიტები მატს ჰუმელსი და დავიდ ლუისი იყვნენ, მაგრამ მათ კიდევ არაერთი კანდიდატი დაემატათ.

იმის გათვალისწინებით, რომ ჰუმელსსა და ლუისს, "დორტმუნდთან” და "ჩელსისთან” კონტრაქტები 2017 წლამდე აკავშირებთ, მათი გადაბირება "ბარსელონას” საკმაოდ გაუჭირდება. ამიტომ, კატალონიელები სათადარიგო ვარიანტებსაც განიხილავენ. გერმანელი და ბრაზილიელი უკანახაზელების შემდეგ, "ბარსა” პრიორიტეტს ინიგო მარტინესსა და დეჟან ლოვრენს ანიჭებს.

დიდიე დროგბამ პარასკევს პირველი მატჩი ჩაატარა თურქული "გალათასარაის” შემადგენლობაში და ორიოდ წუთის შესული იყო მონდორზე, რომ გოლიც გაიტანა. ეს ივუარელის პირველი ევროპული გოლი გახლდათ შარშანდელი ჩემპიონთა ლიგის ფინალური მატჩის შემდეგ. "გალათასარაიმ” თურქული სუპერლიგის 22-ე ტურის შეხვედრაში სტუმრად აუტსაიდერი "აქჰისარ ბელედიესფორი” 2:1 დაამარცხა. "გალა” ახლა გათამაშების ლიდერია და როგორც ჩანს, სერიოზული მიზნებიც აქვს. მწვრთნელი ცნობილი ფათიჰ თერიმია, რომელმაც ამ ზამთარს ჯერ ვესლი სნეიდერი, ახლა კი დროგბაც გადაიბირა, იქვე თამაშობს "შალკეში” ლევან კობიაშვილის ყოფილი თანაგუნდელი ჰამით ალთინთოფი, რომელიც შემდეგ "ბაიერნში” და მადრიდის "რეალშიც” კი ირიცხებოდა, ასევე ურუგვაის ნაკრების მეკარე ნესტორ ფერნანდო მუსლერა. ერთი სიტყვით, სერიოზული ფეხბურთელები შეიკრიბნენ.