ახალი ამბები - Archive

მადრიდის "რეალის” მთავარი მწვრთნელი, ჟოზე მაურინიო აცხადებს, რომ სჯობს, "ბარსელონამ” მსაჯებზე ბევრი აღარ ისაუბროს და ფეხბურთს მიხედოს.

შეგახსენებთ, რომ კატალონიელთა მთავარი მწვრთნელის მოვალეობის შემსრულებელს, ჟორდი როურას ხვალინდელ ელ კლასიკოზე დანიშნული მსაჯი, უნდიანო მალენკო არ მოსწონს, რადგან მიიჩნევს, რომ მან 2011 წლის ესპანეთის თასის ფინალში მადრიდელთა სასარგებლოდ ბევრი შეცდომა დაუშვა.

"ბარსელონასთან” ჩატარებული მატჩების შემდეგ, ბევრი რამ ვისწავლე. სჯობს, მეტოქემ მსაჯებზე ნაკლები ისაუბროს და ფეხბურთზე იფიქროს. მიმაჩნია, რომ კატალონიელებს ფეხბურთის თამაში შეუძლიათ”, – აცხადებს პორტუგალიელი სპეციალისტი.

"ლივერპულის" ფორვარდს ევროპის ლიგის 1/16 ფინალში "ზენიტის" ფეხბურთელთან უხეშობა აპატიეს. შეგახსენებთ, რომ "ენფილდ როუდზე" ლუის სუარესმა ზურგზე დააბიჯა ფეხი პეტერბურგელ ტომაშ ჰუბოჩანს.

მატჩის მთავარმა მსაჯმა ბოირნ კუიპერსმა არ დასაჯა ურუგვაელი, ხოლო უეფამ, თავის მხრივ, თავი არც შეიწუხა სუარესის საქმის გადახედვით.

შეგახსენებთ, რომ ევროპის ლიგის 1/8 ფინალში "ზენიტი" სტურმად გატანილი გოლის წყალობით გავიდა.

"ბარსელონას" მთავარი მწვრთნელის ასისტენტს, ხორდი როურას სამეფო თასის ნახევარფინალის განმეორებით შეხვედრაში "რეალ მადრიდთან" მსაჯობის ხარისხი აფიქრებს.

"ვფიქრობ, ბევრს ახსოვს, როგორ იმსაჯა უნდიანო მალენკომ 2011 წლის კოპა დელ რეის ფინალი. მან ძალიან ბევრი უხეში თამაში არ დააფიქსირა", - საუბრობს როურა.

"ამიტომ ძალიან მინდა, რომ მოედანზე ნებისმიერი უხეში თამაში დაუყონებლივ აღმოიფხვრას. ყველა ელ კლასიკო ინტენსიურ რიტმში მიმდინარეობს".

ჰოლანდიელი თავდამსხმელის ტრავმა არც ისე სერიოზული აღმოჩნდა.

შეგახსენებთ, რომ ინგლისის ჩემპიონატის ბოლო ტურში ვან პერსი ცუდათ დაეცა მინდორზე, რის შემდეგაც მოედნის დატოვება მოუწია.

აქამდე წერდნენ, რომ ფეხბურთელის ტრავმა სერიოზული იყო და რობინი "რეალთან" ვერ ითამაშებდა, მაგრამ დღეს კარგი ინფორმაცია გავრცელდა "წითელი ეშმაკუნებისთვის".

დეტალურმა სამედიცინო შემოწმებამ სერიოზული დაზიანება ვერ აღმოაჩინა. რამდენიმე დღიანი დასვენების შემდეგ ვან პერსი კვლავ დაუბრუნდება ვარჯიშს.

არაბთა გაერთიანებული ემირატების დედაქალაქ დუბაიში სტარტი აიღო 500-ანი კატეგორიის მამაკაცთა ტურნირმა, რომლის საპრიზო ფონდიც 1785500 ამერიკული დოლარია.

 გათამაშების პირველ წრეში შვეიცარიელი როჯერ ფედერერი მოულოდნელ წინააღმდეგობას გადააწყდა მსოფლიო რეიტინგის 128-ე ჩოგან მალეკ ჯაზირისგან. ტუნისელმა ჩოგბურთელმა პირველი სეტი ბრწყინვალედ ჩაატარა და 7:5 მოუგო სახელოვან მეტოქეს, თუმცა შემდეგ გამოფხიზლდა "მხიარული როჯერი” და მომდევნო ორ სეტში მეტოქეს მხოლოდ ორი გეიმი დაუთმო, საბოლოოდ 5:7, 6:0, 6:2 ფედერერის სასარგებლოდ.

გასულ შაბათ-კვირას ევროპის მოედნებზე გამართულმა ექვსი ერისა და ერთა თასის ექვსმა შეხვედრამ რაგბის საერთაშორისო საბჭოს ყოველკვირეულ რეიტინგზეც მოახდინა გავლენა.

 უწინარესად გეტყვით იმას, რომ "ბორჯღალოსნებს” სოჭში რუსეთის 23:9 ძლევამ 0,82 სარეიტინგო ქულა შემატა და ახლა მე-16 ადგილზე მყოფ აშშ-თან სხვაობა 1 ქულაზე ნაკლებია. ერთა თასის დასრულებამდე, თუკი საქართველოს ნაკრებმა ორივე დარჩენილი შეხვედრა მოიგო, ის ამერიკას უკან მოიტოვებს, მაგრამ უმთავრესი მაინც ნოემბერში გასამართი პირადი შეხვედრები იქნება. სწორედ იქ უნდა დადასტურდეს ის, რომ ამერიკაზე წინ ყოფნას ვიმსახურებთ. მანამდე ის ვთქვათ, რომ 9 მარტს თბილისში ესპანეთის ძლევის შემთხვევაში, ნამატი უმნიშვნელო იქნება (0,07 ქულა). თუ "ბორჯღალოსნები” 15 ქულაზე მეტი სხვაობით იმარჯვებენ, მაშინაც კი, მატება მხოლოდ 0,11 ქულას შეადგენს.

"ფიორენტინას” კოლუმბიელი მარჯვენა ნახევარმცველის, ხუან კუადრადოს აგენტის განცხადებით, მისი კლიენტი ფლორენციაში თავს კარგად გრძნობს და არსად წასვლას არ აპირებს.

 კუადრადო "ფიორენტინაში” არენდის წესით თამაშობს, მაგრამ სეზონის ბოლოს, ფლორენციელებს მისი "უდინეზედან” გამოსყიდვის უფლება აქვთ. მიუხედავად იმისა, რომ 24 წლის სამხრეთ ამერიკელის შეძენით არაერთი ევროპული გუნდია დაინტერსებული, აგენტის თქმით, ის "იების” დატოვებას არ აპირებს.

 "ხუანს კარიერის "ფიორენტინაში” გაგრძელება სურს. ის და მისი ოჯახი ფლორენციაში ბედნიერები არიან.