კუადრადო ფიორენტინაში რჩება

"ფიორენტინას” კოლუმბიელი მარჯვენა ნახევარმცველის, ხუან კუადრადოს აგენტის განცხადებით, მისი კლიენტი ფლორენციაში თავს კარგად გრძნობს და არსად წასვლას არ აპირებს.

 კუადრადო "ფიორენტინაში” არენდის წესით თამაშობს, მაგრამ სეზონის ბოლოს, ფლორენციელებს მისი "უდინეზედან” გამოსყიდვის უფლება აქვთ. მიუხედავად იმისა, რომ 24 წლის სამხრეთ ამერიკელის შეძენით არაერთი ევროპული გუნდია დაინტერსებული, აგენტის თქმით, ის "იების” დატოვებას არ აპირებს.

 "ხუანს კარიერის "ფიორენტინაში” გაგრძელება სურს. ის და მისი ოჯახი ფლორენციაში ბედნიერები არიან.

 ამჟამად, ფლორენციელები კარგ ფორმაში არიან და ცხრილის ზედა ნაწილში იმყოფებიან. "ფიორენტინას” კარგი მწვრთნელი და შორსმჭვრეტელი ხელმძღვანელობა ჰყავს.” – აცხადებს კუადრადოს აგენტი ალესანდრო ლუჩი Radio Toscana-სთვის მიცემულ ინტერვიუში.