ახალი ამბები - Archive

კაკას საუკეთესო მოგონებები აკავშირებს ოლდ ტრაფორდთან. მადრიდის "რეალის” ფოვარდმა ერთ-ერთი საუკეთესო მატჩი ჩაატარა ამ სტადიონზე 2007 წელს და მთელი მისი კარიერის განმავლობაში ერთ-ერთი ძალიან ლამაზი გოლიც გაიტანა. 

"ყველა მოთამაშეს სურს ასეთი მატჩის ჩატარება. პირველი მატჩი "ბერნაბეუზე” გაიმართა. მინდორზე ისეთი განწყობით გავდიოდით, რომ ვიცოდით, გამარჯვება შეგვეძლო. "მანჩესტერ იუანიტედი” ძლიერი გუნდია, მაგრამ "ოლდ ტრაფორდზე” თავდაჯერებულები მივდივართ”, -განაცხადა კაკამ კლუბის ოფიციალურ საიტთან.

სტენ კრენკეს ახლო აღმოსავლეთის შეიხების "სარფიანი” წინადადება არ აინტერესებს.

შეგახსენებთ, დღეს გავრცელდა ინფორმაცია იმასთან დაკავშირებით, რომ ახლო აღმოსავლეთის ორი ქვეყნის შეიხებს, კერძოდ კი ყატარსა და არაბთა გაერთიანებული საამიროებიდან, ლონდონური კლუბის ყიდვა სურთ. პრესის მიერ მოცემული ინფორმაციით, შეიხები მზად არიან "არსენალის” სანაცვლოდ 1,5 მილიარდი ფუნტი სტერლინგი გადაიხადონ.

თუმცა, ლონდონური კლუბის აქციების პაკეტების დიდი ნაწილის მფლობელმა თავისი აქტივების შესაძლო გაყიდვა გამოირცხა.

"სტენ კრენკე დიდი ხანია, რაც კლუბში მოვიდა, და იგი მის გაყიდვას არ აპირებს. მხოლოდ კრენკე იქნება კლუბის ინვესტორი”,

დორტმუნდელები "ჰანოვერის” ფეხბურთელის მამე დიუფის შესაძლო ტრანსფერს განიხილავს.

არსებობს დიდი ალბათობა იმისა, რომ რობერტ ლევანდოვსკი ზაფხულში კლუბს დატოვებს. სწორედ ამიტომ, კლუბი პოლონელის შემცვლელს უკვე ეძებენ.

პრესა იურგენ კლოპის გუნდში მოხვედრის ერთ-ერთი კონკრეტულ კანდიდატად, მამე დიუფს მოიაზრებს, რომელიც "ჰანოვერში” შესანიშნავ სეზონს ატარებს.

"დიუფი – ძალიან საინტერესო ფეხბურთელია, ჩვენ მასსა და ამჟამინდელ კლუბში მის პოზიციებს ვაკვირდებით”, – განაცხადა იურგენ კლოპმა.

ასევე აღსანიშნავია ის ფაქტიც, რომ გერმანიის მოქმედი ჩემპიონები დიუფის თანაგუნდელს თავდამსხმელს მოჰამედ აბდელაუესაც აკვირდებიან.

საქართველოს ძიუდოისტთა ნაკრებმა ერთი კვირის წინანდელი დიუსელდორფის "დიდი პრიზის” მსგავსად, ვარშავული "ევროპის ღია ტურნირიც” გუნდური პირველი ადგილით დაასრულა. ირაკლი უზნაძემ პოლონეთში ნაწილობრივ გადახალისებული შემადგენლობა ჩაიყვანა, 12-კაციან განაცხადში საერთოდ არ იყვნენ მძიმეწონოსნები, მაგრამ ამის მიუხედავად, ქართული გუნდი 37 ნაკრებს შორის საუკეთესო აღმოჩნდა. თუმცა აქვე უნდა დავამატოთ, რომ პოლონურ კვარცხლბეკზე ნაკრების გამოცდილი წევრები ავიდნენ. ნუგზარ ტატალაშვილის (73 კგ) მიერ გუშინ მოპოვებულ ოქროსა და ზებედა რეხვიაშვილის (73 კგ) ვერცხლს დღეს თავისი ოქრო ლევან წიკლაურმა (81 კგ) მიამატა.

 ტურნირის მეორე დღეს ჩემპიონ-პრიზიორები დარჩენილ ოთხ წონით კატეგორიაში გამოვლინდნენ. ქართული განაცხადიდან საქმეში 7 ძიუდოისტი ჩაერთო.

  

სასწაული უნდა მოხდეს, მიუნხენის „ბაიერნმა" გერმანიის ბუნდესლიგის მიმდინარე გათამაშება ვერცხლის სინით რომ არ დაასრულოს. იუპ ჰაინკესის გუნდი მონატრებულ ტიტულს ყოველ ტურში, ნაბიჯ–ნაბიჯ უახლოვდება.

 დღევანდელ შეხვედრაში, მიუნხენელები „ჰოფენჰაიმს" ეწვივნენ და შინ 3 ქულით დაბრუნდნენ. პირველი ტაიმის დასრულებამდე 7 წუთით ადრე, ფრანკ რიბერიმ მარიო გომესს თავით უპასა, გერმანელ ფორვარდს კი, მასპინძელთა კარის აღება არ გასჭირვებია – 0:1.

 შესვენებიდან დაბრუნებულ „ბაიერნს" მატჩის სადავეები ხელიდან არ გაუშვია და არც გამარჯვება დაუყენებია ეჭვქვეშ. მიუხედავად ამისა, ჰაინკესის დამოძღვრილებმა ანგარიშის გაზრდა ვერ შეძლეს და მინიმალური სხვაობით მოგებას დასჯერდნენ.

ინგლისის პრემიერლიგის 28-ე ტურის ცენტრალური მატჩი "უაით ჰართ ლეინზე” შედგა, სადაც "ტოტენჰემ ჰოთსპურმა” თანაქალაქელ ლონდონის "არსენალს” უმასპინძლა. ჩრდილოლონდონური დერბი "დეზების” გამარჯვებით, ანგარიშით 2:1 დასრულდა. "ტოტენჰემიდან” გოლები გარეტ ბეილმა (37′) და აარონ ლენონმა (39′) გაიტანეს, ხოლო "არსენალიდან” თავი პერ მერტეზაკერმა გამოიჩინა (51′).

ცნობისთვის, ბეილი პრემიერლიგის მიჯრით მეხუთე მატჩია იტანს. სხვათა შორის, ერთი არასასიამოვნო ფაქტიც დაფიქსირდა – მატჩის მიმდინარეობისას "მეთოფეთა” ქომაგებმა უელსელ მარცხენაფლანგელს ბანანი ესროლეს.

Opta-ს ინფორმაციით, "ტოტენჰემმა” პრემიერლიგაში რიგით მე-200 საშინაო შეხვედრა მოიგო.

"ბარსელონას” კიპერ ვიქტორ ვალდესს, რომელმაც მადრიდის "რეალთან” გამართული მატჩის შემდეგ მთავარ მსაჯთან კამათის გამო წითელი ბარათი მიიღო, ხანგრძლივი დისკვალიფიკაცია ემუქრება. კატალონიური გუნდის მეკარემ შეიძლება 4-დან 12 მატჩამდე გამოტოვოს. ამგვარ სასჯელს ითვალისწინებს ლა ლიგის დისციპლინარული კოდექსის 94-ე მუხლი.