ახალი ამბები - Archive

"ნერაძური” ლონდონის "ტოტენჰემის” შემტევი ნახევარმცველის აარონ ლენონის გადაბირებას გეგმავს, იტყობინება Corriere dello Sport.

სავარაუდოდ, ამ შესაძლო ტრანსფერთან დაკავშირებით მხარეები მოლაპარაკებების პირველ ეტაპს ევროპის ლიგის 1/8 ფინალური შეხვედრების დასრულების შემდეგ გამართავენ.

ასევე გეტყვით იმასაც, რომ მიმდინარე სეზონში ლენონმა პრემიერ ლიგაში "დეზების” მაისურით 27 შეხვედრა ჩაატარა 3 გოლი გაიტანა და 6 საგოლე გადაცემა გააკეთა.

ესპანეთის პრიმერადივიზონის 26-ე ტურში მადრიდის "რეალსა” და "ბარსელონას” შორის გამართული მატჩის (2:1) შემდეგ, კატალონიელთა მცველმა ხერარ პიკემ განაცხადა, რომ მთავარმა მსაჯმა "სამეფო კლუბის” კარის მიმართულებით პენალტი არ დანიშნა.

"ჩემი აზრით, სერხიო რამოსმა ადრიანოს წინააღმდეგ თამაშის წესი დაარღვია და ეს აშკარა იყო. ამის შესახებ არბიტრს ვუთხარით. ჩვენი გუნდის მატჩებში ასეთი მსაჯობები ყოფილა. ვფიქრობ, ფრე სამართლიანი შედეგი იქნებოდა. "რეალი” ძლიერი გუნდია, რომელსაც თამაშების მოგება მსაჯების გარეშეც შეუძლია. "ბარსა” მთელი წლის განმავლობაში ყოველთვის იდეალურად ვერ ითამაშებს. პერიოდული ჩავარდნები გვაქვს. თქმა არ უნდა იმას, რომ ამაში არაფერია კარგი, "ბარსა” მუდამ გამარჯვებისთვის იბრძვის. დარწმუნებული ვარ, მდგომარეობას გამოვასწორებთ. ეს ყველაზე ძლიერი გუნდია, რომელშიც ოდესმე მითამაშია”, – ციტირებს პიკეს სიტყვებს AS-ი.

"წითლებმა” პრემიერ ლიგის მიმდინარე სეზონის ერთ-ერთი აუტსაიდერი თავისსავე მოედანზე მიწასთან გაასწორეს.

"უიგანი” – "ლივერპული” 0:4

 გოლები: დაუნინგი, 2, სუარესი, 18, 34, 49

"უიგანი”: ალ ჰაბსი, კოლდუელი (ესპინოსა, 52), ფიგეროა, ბოისი, შარნერი, მაკარტი, მელოუნი, მაკარტური, ბოსეჟური (მაკმანამანი, 62), კონე, დი სანტო (ალკარასი, 52)

"ლივერპული”: რეინა, ჯონსონი, ენრიკე, აგერი, კარაგერი, ლუკასი, ალენი, ჯერარდი, დაუნინგი, კოუტინიო (ჰენდერსონი, 71), სუარესი

გაფრთხილებები: კოლდუელი, მაკარტური – ალენი ლუკასი

"ბარსელონას” გოლკიპერმა ვიქტორ ვალდესმა ესპანეთის ჩემპიონატის 26-ე ტურის გამართული "ელ კლასიკოს” დასრულების შემდეგ არბიტრთან კამათის გამო ჯერ ყვითელი, ხოლო შემდეგ წითელი ბარათი მიიღო.

ესპანეთის ეროვნული ნაკრების ფეხბურთელი უკმაყოფილო იყო დღევანდელი შეხვედრის მთავარი არბიტრის მიგელ პერეს ლასას მოქმედებით, რომელმაც "რეალთან” მატჩის მიწურულს მასპინძელთა საჯარიმოში კატალონიელების მცველის ადრიანო კორეიას მიმართ თამაშის წესების დარღვევის გამო პენალტი არ დანიშნა.

შეგახსენებთ, რომ "სანტიაგო ბერნაბეუზე” "ბლანკოსისა” და "ბლაუგრანას” შეხვედრა მასპინძელთა გამარჯვებით დასრულდა, ანგარიშით 2:1.

"ბარსელონას” მთავარი მწვრთნელის ასისტენტმა ხორდი როურამ ესპანეთის ლა ლიგის ეგიდით გამართული დღევანდელი "ელ კლასიკოს” (1:2) მსაჯობაზე კომენტარის გაკეთება არ ისურვა.

"ჩემი გუნდის თამაში მომეწონა, ფეხბურთელების ურთიერთობა მოედანზე. "ბერნაბეუდან” ქულის წამოღებასთან ძალიან ახლოს ვიყავით. ამ სტადიონზე თამაში ყოველთვის ძალიან რთულია”.

"პენალტი? მსაჯობაზე საუბარი არ მსურს. ხალხმა განმეორებით უნდა უყუროს ამ ეპიზოდს, სწორედ ამის შემდეგ გახდება ყველაფერი ცნობილი”.

"რასისტული გამონათქვამები ალვეშის მიმართ? უკომენტაროდ. გულშემატკივრები ეცადნენ გამოეჩინათ თავი, რითაც შეეძლოთ”

"რეალის” წინააღმდეგ ესპანეთის ჩემპიონატის 26-ე ტურის გამართულ შეხვედრაში, "ბარსელონას” ფორვარდმა ლიონელ მესიმ მადრიდელების ყოფილი თავდამსხმელის ალფრედო დი სტეფანოს რეკორდი გაიმეორა, იტყობინება Infostrada.

ახლა ზემოთნახსენებ ორივე ფორვარდს "ბარსელონასა” და "რეალის” დაპირისპირებებში 18-18 გოლი აქვთ გატანილი.

შეგახსენებთ, რომ დღევანდელი "ელ კლასიკო” საბოლოოდ "სამეფო კლუბის” გამარჯვებით დასრულდა, ანგარიშით 2:1.