ახალი ამბები - Archive

ზაფხულის სატრანსფერო ფანჯრის მიმდინარეობისას,ერთ-ერთი ყველაზე მოთხოვნადი ფეხბურთელი ბრაზილის ნაკრებისა და სანტოსის თავდამსხმელი იქნება.

ნეიმარი დიდი ხანია ევროპაში თამაშზე ოცნებობს,თუმცა ამჟამინდელი კლუბის დატოვებას მაინც არ ჩქარობს.იგი მზადაა რეალის ან ბარსელონას მოთამაშე გახდეს და მისი თქმით,ამ ორ გუნდს შორის არჩევანის გაკეთება პრაქტიკულად შეუძლებელია.

"ვერ დავასახელებ ჩემს ფავორიტს ბარსელონასა და რეალს შორის.ეს ორი დიდებული კლუბის,რომელთაც მთელი მსოფლიოს მასშტაბით სცემენ პატივს.ორივე მათგანს განსაკუთრებული ისტორია და ფანტასტიური ფეხბურთელები გააჩნია.

”მანჩესტერ სიტის” მთავრმა მწვრთვნელმა რობერტო მანჩინიმ დაასახელა ის თანხა, რომლის სანაცვლოდაც მისი კლუბის ხელმმძღვანელები მზად არიან ბოსნიელი თავდამსხმელი ედინ ჯეკო სხვა კლუბში გაუშვან. იტალიელი სპეციალისტის თქმით საუბარი 20 მილიონ ევროზე მიდის.

”ედინი – ჩვენთვის მნიშვნელოვანი ფიგურაა. ამჟამად ტრანსფერებზე საუბარი არ გვსურს, რადგან სეზონის დამთავრებამდე კიდევ 10 მატჩია დარჩენილი. ასეა თუ ისე ზაფხულს ყველაფერია მოსალოდნელი. თუ ფეხბურთელი მის გაშვებას მთხოვს, მაშინ და დავფიქრდები”, – აცხადებს მანჩინი.

”იტალიაში ერთ სეზონში იგი 20 გოლის გატანს თავისუფლად მოახერხებდა. მის სატრანსფერო ფასს 20 მილიონ ევროდ ვაფასებთ. შესაძლოა ოდნავ მეტიც კი მოვითხოვთ”, – დაამატა მანჩესტერელთა თავკაცმა.

ურუგვაელმა ფორვარდმა საკუთარი გოლებით "ჯეკ-პოტი” მოხსნა.

ლუისმა "ლივერპულთან” ახალი კონტრაქტი გასული წლის ზაფხულში გააფორმა, და ამ დროის განმავლობაში მისი ყოველკვირეული ხელფასი 80 ათას ფუნტ სტერლინგს შეადგენდა.

მიმდინარე სეზონში თავდამსხმელი პრემიერ ლიგის საბომბარდირო სიას ლიდერობს, მთლიანად კი საკუთარ ანგარიშზე ყველა ტურნირზე გატანილი 28 გოლი აქვს ჩაწერილი. სწორედ ეს შედეგი გახდა მიზეზი იმისა, რომ ურუგვაელის ყოველკვირეულმა ხელფასმა 120 ათას ფუნტ სტერლინგამდე მოიმატა.

"ლივერპულის” ხელმძღვანელობამ ფორვარდის კონტრაქტში სპეციალური ბონუსები ჩართო, საიდანაც ერთ-ერთი ხელფასის გაზრდა აღმოჩნდა. ასევე გეტყვით იმასაც, რომ მიმდინარე ხელშეკრულების თანახმად სუარესს მერსისაიდელებთან კონტრაქტი 2017-წლის ზაფხულში ეწურება.

მადრიდის "რეალის” მთავარი მწვრთნელი ჟოზე მოურინიუ პრიმერა დივიზიონის მომავალ სეზონშიც "სამეფო კლუბის” დამრიგებელი იქნება” – იტყობინებიან ესპანური სააგენტოები და იქვე დასძენენ, რომ ინფორმაცია "რეალის” წარმომადგენლებზე დაყრდნობით გავრცელდა.

 წყაროს ცნობით, მადრიდული კლუბის პრეზიდენტმა ფლორენტინო პერესმა და მისმა თანაშემწეებმა პორტუგალიელ სპეციალისტთან განშორება მას შემდეგ გადაიფიქრეს, რაც "რეალი” ჩემპიონთა ლიგის მეოთხედფინალში გავიდა.

 ოფიციალურად ამ შეთანხმებაზე ჯერ არც ერთი მხარე არ საუბრობს.

პრესა კვლავ აგრძელებს ინფორმაციების გავრცელებას იმასთან დაკავშირებით, რომ ზაფხულში უეინ რუნი სხვა კლუბში გადაბარგდება.

ასე რომ, ამჯერად, ბრიტანულმა ტაბლოიდმა The Sun-მა გადაწყვიტა, ინგლისელი თავდამსხმელის ყიდვის მსურველთა შანსები შეეფასებინა:

"ჩელსი” – 6/1: რომან აბრამოვიჩის კლუბს მაღალი კლასის მქონე თავდამსხმელი სჭირდება. პრესა "ჩელსის” სახელს ედინსონ კავანისა და რადამელ ფალკაოსაც უკავშირებენ. ახლა კი უეინ რუნისაც.

"პსჟ” – 3/1: პარიზულ კლუბის მიზანია ევროპულ ფეხბურთში ადგილის დამკვიდრება. უეინ რუნი კი ამაში მას უნდა დაეხმაროს.

"რეალი” – 8/1: პრესა განიხილავს კრიშტიანუ რონალდუს – უეინ რუნიში შესაძლო "ბარტერს”.

"დეზებს” ერთი ნაბიჯი აშორებთ 1/4 ფინალამდე. მათ სამი უპასუხო გოლი გაუტანეს იტალიელ სტუმრებს.

"ტოტენჰემი” – "ინტერი” 3:0

გოლები: ბეილი, 6, სიგურდსონი, 18, ვერტონგენი, 53

"ტოტენჰემი”: ფრიდელი, უოკერი, გალასი, ვერტონგენი, ასუ-ეკოტო, პარკერი, დემბელე(ლივერმორი, 64), ლენონი(ნოტონი, 82), ბეილი, სიგდურსონი(ჰოლტბი, 71), დეფო.

"ინტერი”: ჰანდანოვიჩი, ძანეტი, რანოკია, კივუ, ჟუან ზესუსი(პალასიო, 46), გარგანო, კამბიასო, ალვარესი (ჯონათანი, 67), კოვაჩიჩი(გუარინი, 55), პერეირა, კასანო.

გაფრთხილება: ბეილი- გუარინი, პერეირა.

პრესა "წითლების” კარლოს სამბრანოსადმი ინტერესთან დაკავშირებით იტყობინება.

იმის გათვალისწინებით, რომ ჯეიმი კარაგერი კარიერას დაასრულებს და ზაფხულის სატრანსფერო ფანჯარაზე შესაძლოა მარტინ შკრტელმა სამუშაო ადგილი შეიცვალოს, "ლივერპული” დაცვის ხაზის გაძლიერების შესაძლებლობებს უკვე ეძებს.

რამოდენიმე დღის წინ ბრიტანულმა პრესამ გაავრცელა ინფორმაცია იმის შესახებ, რომ "წითლები” ფრანგული "აინტრახტის” ნიჭიერი მცველის კარლოს სამბრანოს გადაბირების წინააღმდეგნი არ არიან. 23-წლის პერუელმა "შალკეს” საფეხბურთო სკოლა გაიარა, და გასული წლის ზაფხულში "აინტრახტმა” "სანქტ-პაულისგან” იყიდა. "ლივერპულის” სამბრანოსადმი ინტერესი ასევე დაადასტურა გერმანული კლუბის დირექტორმა ბრუნო ჰუბნერმაც.