ახალი ამბები - Archive

ლონდონის "არსენალის" მთავარმა მწვრთნელმა არსენ ვენგერმა "ასტონ ვილასთან" (2:1) პრემიერლიგის 27-ე ტურის მატჩზე ისაუბრა.

"ჩვენთვის მნიშვნელოვანი იყო გამარჯვების მოპოვება, რადგან ქულების დაკარგვა ორი მიზეზით არ შეგვიძლია.

პირველი: მეტოქეებს შეუძლიათ დაგვეწიონ. მეორე: "ასტონ ვილასთან" მატჩამდე ორი ცუდი შედეგი გვქონდა.

გუნდი ცოტა ნერვიულობდა, რადგან მეორე გოლის გატანას ვერ ახერხებდა, არადა ძალიან ბევრი მომენტი ჰქონდათ. მიუხედავად ამისა, ვიპოვეთ ჩვენს თავში ძალა საპასუხო გოლის გასატანად. ვამაყობ ბიჭების მიდგომით საქმისადმი. ახლა ქულების დაკარგვა დაუშვებელია.

ბოლო კვირა რთული იყო. აქ იმისთვის არ ვარ, რომ წავაგო. მოგება მსურს", - თქვა ვენგერმა.

23 თებერვალს, საქართველოს მორაგბეთა ნაკრებმა, სოჭში, რუსეთის ეროვნულ გუნდთან ევროპის ერთა თასის გათამაშების მესამე ტურის მატჩი გამართა და ანგარიშით 23:9 გაიმარჯვა.

"ბორჯღალოსნებმა" შეხვედრის პირველი წუთები აქტიურად კი დაიწყეს, თუმცა მალევე აღმოჩნდა, რომ მასპინძლები ადვილად არაფრის დათმობას აპირებდნენ და მეტწილად, ქართველი მორაგბეების უხეში შეცდომების ხარჯზე, ახერხებდნენ ხიფათის შექმნას.

ანგარიში სწორედ რუსეთის ნაკრებმა გახსნა. მე-7 წუთზე იგორ კლუჩნიკოვმა საჯარიმო ზუსტად დაარტყა - 3:0.

გათანაბრება "ბორჯღალოსნებმა" ხუთიოდე წუთში მოახერხეს - მერაბ კვირიკაშვილმა შანსი ხელიდან არ გაუშვა - 3:3.

ესპანეთის პრიმერა დივიზიონის 25–ე ტურში, მადრიდის „რეალმა" და კატალონიის „ბარსელონამ" ერთნაირი ანგარიშებით – 2:1 იმარჯვეს და კოპა დელ რეის 1/2–ფინალის საპასუხო მატჩში ერთმანეთთან შესახვედრად მზადება დაიწყეს. აღსანიშნავია, რომ ორივე გუნდს მძიმე მატჩი ჰქონდა და შესვენების შემდეგ თამაშის შემოტრიალება მოუხდათ.

 მადრიდელები თავიანთთვის უხერხულ მეტოქეს – ლა კორუნიის „დეპორტივოს" ეწვივნენ და შინ 3 ქულით დაბრუნდნენ. 35–ე წუთზე, მასპინძლებმა სწრაფი კონტრშეტევა განავითარეს, რის შემდეგაც ივან რიკი აღმოჩნდა ხელსაყრელ პოზიციაში და გოლიც გავიდა – დიეგო ლოპესს ახლო კუთხეში გაუძვრა ბურთი და ლო კორუნიელებს დაწინაურების საშუალება მისცა.

გუშინ,კატალონიურმა გრანდმა საკუთარ მოედანზე სევილიას უმასპინძლა და დაძაბულ ორთაბრძოლაში 2-1 იმარჯვა.

ბარსელონა პირველ ტაიმს აგებდა და გამარჯვების მომტანი გოლების გატანა მეორე ტაიმის შუაწელში,მესისა და ვილიას წყალობით მოახერხა.თუმცა,არგენტინელი ფენომენი გუნდის სათამაშო ფორმით უკმაყოფილოა მოითხოვს,კლუბმა თამაშის ხარისხი გააუმჯობესოს.

"ვიცოდით,რთული მატჩი იქნებოდა,რაზეც მილანთან განცდილი მარცხიც იმოქმედებდა.თუმცა,გავიმარჯვეთ რაც ყველაზე მთავარია.თავს კარგად ვგრძნობ და თამაში მწყურია.ახლა მთავარია მადრიდის რეალთან ისე ვითამაშოთ,როგორც ამას ყოველთვის ვაკეთებთ სათასო დაპირისპირებებში.უგოლო ფრისთვის ვერ ვიბრძოლებთ.”-განაცხადა ლიონელ მესიმ.

"ინტერის” ნახევარმცველი, ზდრავკო კუზმანოვიჩი აცხადებს, რომ მიმდინარე სეზონში, "მილანი” ვერცერთი ტიტულის მოგებას ვერ მოახერხებს.

შეგახსენებთ, "როსონერის” პრეზიდენტმა, სილვიო ბერლუსკონიმ თქვა, რომ "შავ-წითლებს” სკუდეტოს მოგება შუძლიათ.

"ვწუხვარ, მაგრამ ბერლუსკონი ცდება. მიმდინარე სეზონში, "მილანი” ვერცერთი ტიტულის მოგებას ვერ შეძლებს. რაც შეეხება "ინტერს”, შეგვიძლია, ევროპის ლიგა და იტალიის თასი მოვიგოთ. "როსონერიმ” "ბარსელონა” დაამარცხა, ჩვენ – "კლუჟი”, მაგრამ ჩემპიონთა ლიგა და ევროპის ლიგა ერთმანეთისგან განსხვავდება. "შავ-წითლებს” კატალონიელებთან რთული მატჩი ჰქონდათ, ვფიქრობ, ესპანეთში ყველაფერი სხვაგვარად იქნება”, – აცხადებს კუზმანოვიჩი Tuttosport-თან ინტერვიუში.

როგორც იცით, დღეს, "დელა მადონინა” გაიმართება, სერბმა ნახევარმცველმა კომენტარი ამ თემაზეც გააკეთა.

ტურნირი: პრემიერლიგა

სტადიონი: ეტიჰად სტედიუმი

დასაწყისი: 17:30

თარიღი: 24 თებერვალი 2013წ.ი

მატჩის არბიტრი: ანდე მარინერი

28 წლის იტალიელი მცველი, ჯორჯო კიელინი მიღებული ტრავმის მოშუშების შემდეგ "იუვენტუსს” უბრუნდება.

შეგახსენებთ, რომ კიელინის 16 დეკემბრის შემდეგ არ უთამაშია, რადგან ფეხზე ტრავმა აწუხებდა. სავარაუდოდ, "ფიორენტინას” ყოფილი ფეხბურთელი, ხვალ, "სიენასთან” ჩასატარებელ შეხვედრაში სათადარიგოთა სკამზე იქნება.

ასევე, "ბიანკონერის” ფედერიკო პელუზო და კლაუდიო მარკიზიო უბრუნდებიან, მათ დისკვალიფიკაცია მოიხადეს. რაც შეეხება მარტინ კასერესს, მას კუნთზე პრობლემები აქვს, ამიტომ ვერ ითამაშებს. ხოლო არტურო ვიდალმა კოჭის ტრავმა მოირჩინა და ანტონიო კონტემ განაცხადში შეიყვანა.