ახალი ამბები - Archive

"სევილიასთან" გამართული შეხვედრის შემდეგ ლეო მესი "ბარსა ტვ"–ს გადაცემა "El Marcador"–ში მიიწვიეს, სადაც მან ისაუბრა "მილანზე" და სამშაბათს "რეალთან" გასამართ შეხვედრაზე: "უკვე წლებია მივეჩვიე იმას, რომ მუდმივად უნდა ვითამაშო. ჩემი სხეული უკეთაა მაშინ, როცა არ ვისვენებ". არგენტინელი 38 გატანილი გოლით პრიმერას საუკეთესო ბომბარდირია: "ყველაზე მნიშვნელოვანი მატჩების მოგებაა, ხოლო თუკი მე გოლების გატანით დახმარება შემიძლია ეს უფრო უკეთესია".

ელ კლასიკო და ადრეული ფინალი

ინგლისის ლიგის თასის ფინალურ მატჩში უელსურმა "სუონსი სიტიმ” "ბრედფორდ სიტი” გაანადგურა. ლონდონის "უემბლის” სტადიონზე გამართული მატჩი ანგარიშით 5:0 დასრულდა. დუბლით გამოირჩნენ ნათან დაიერი და ჯონათან დე გუზმანი, კინკილა გოლი კი მიჩუს ანგარიშზეა. აღსანიშნავია ისიც, რომ 56-ე წუთზე მთავარმა მსაჯმა კევინ ფრენდმა მოედნიდან გააძევა "ბრედფორდის” მეკარე მეთიუ დიუკი. ამ დროს ანგარიში უკვე 0:3 იყო. ამრიგად, "სუონსიმ” უკვე მოიპოვა უეფას ევროპის ლიგის მომდევნო გათამაშების საგზური.

ინგლისის ლიგის თასის ფინალი:

"ბრედფორდი”-”სუონსი” 0:5

გოლები: დაიერი 16′, 48′, მიჩუ 40′, დე გუზმანი 59′ (პ), 90+1′.

გაფრთხილება: სუნ-იონი 38′.

გაძევება: დიუკი 56′.

მთავარი მსაჯი: კევინ ფრენდი.

როდესაც ესპანეთში "ბარსელონა" და "რეალი" ხვდებიან ერთმანეთს, მთელი მსოფლიო ამ შეხვედრის მოლოდინშია. ახლა წარმოიდგინეთ, რომ მილანური დერბის ერთ-ერთმა მონაწილემ ამ კვირაში კატალონიელები დაამარცხა, და გაიფიქრეთ, რა ყურადღებას მიიპყრობს "დერბი დელა მადონინა". დღეს წითელისა და შავი მოდის დედაქალაქში "უმოწყალო" ბრძოლა გაიმართება.

2013-წელს "მილანს" არცერთი შეხვედრა არ წაუგია და იტალიის ჩემპიონატის სატურნირო ცხრილში მესამე ადგილამდე აღზევდა, როდესაც ანდრეა სტრამაჩიონის გუნდმა სერია ა-ში ამ წელს მხოლოდ ორი შეხვედრის მოგება შეძლო - "პესკარასთან" და "კიევოსთან". "ინტერი" მეხუთე ადგილამდე დაქვეითდა, თუმცა, მიუხედავად ამისა, ჩემპიონთა ლიგაზე მოხვედრის შესანიშნავი შანსი აქვს - იგი "მილანს" მხოლოდ ერთი ქულით ჩამორჩება.

გარეტ ბეილი აცხადებს, რომ "ტოტენჰემი” "არსენალზე” ძლიერი გუნდია.

შეგახსენებთ, რომ "ტოტენჰემი” პრემიერ ლიგის ცხრილში მეოთხე პოზიციაზე იმყოფება და "არსენალს” მხოლოდ ერთი ქულით უსწრებს.

"ვფიქრობ, ბოლო 5-10 წლის განმავლობაში, "არსენალი” "ტოტენჰემზე” წინ იდგა, თუმცა ახლა სხვა სიტუაციაა. ბოლო წლებია, კარგად ჩანს, რომ ჩვენ უფრო ძლიერები ვართ, რასაც მოედანზეც ვამტკიცებთ. იმედი მაქვს, კარგად თამაშს გავაგრძელებთ. ამ მომენტისათვის, უფრო შეკრული გუნდი გვყავს. შესაძლოა, ბევრი ფიქრობს, რომ "არსენალი” "ტოტენჰემზე” ძლიერია, თუმცა ვერავინ უარყოფს, მებრძოლი გუნდი რომ ვართ”, – აცხადებს 23 წლის ნახევარმცველი.

ინგლისის პრემიერლიგის 27-ე ტურის ცენტრალური შეხვედრა "ეტიჰადზე” შედგა, სადაც "მანჩესტერ სიტიმ” ლონდონის "ჩელსი” მიიღო. მატჩი მასპინძლებმა გაცილებით აქტიურად დაიწყეს და უმეტესად სწორედ ისინი უტევდნენ. პეტრ ჩეხს, ვიზავისგან განსხვავებით, საწყის წუთებში რამდენჯერმე მოუწია თამაშში ჩართვა. პირველი სახიფათო ეპიზოდი მე-15 წუთზე შეიქმნა, როცა მარჯვენა ფლანგიდან კუთხურის შესრულებას მატია ნასტასიჩის თავური მოჰყვა, თუმცა ბურთი პირდაპირ ჩეხის მიმართულებით წავიდა და მეკარემაც მოიგერია. 41-ე წუთზე ჯეკ როდუელმა დაარტყა შორი მანძილიდან, ჩეხმა ბურთი კუთხურზე მოიგერია, რომლის ჩაწოდების შემდეგაც ისევ "ქალაქელთა” მე-17 ნომერმა შეაწუხა თავური დარტყმით მეკარე, თუმც ჩეხმა კიპერმა ბურთი აიღო. მატჩის პირველი ნახევარი უგოლოდ მიიწურა.

"დეპორტივოს" 2:1 დამარცხებაში ლომის წილი კაკამ დაიდო, რომელმაც ჯერ შორი მანძილიდან გაიტანა მასპინძელთა კარში, შემდეგ წამოიწყო საგოლე კომბინაცია, რომელიც რონალდომ გააგრძელა და გონსალო იგუაინმა დაასრულა.

"ფორმაში შევდივარ, ვფიქრობ, წინ კიდევ უკეთესი თამაშები მელის. მიხარია, რომ გუნდს დავეხმარე. ფეხბურთში ყველაფერი ძალიან სწრაფად იცვლება. თუკი მწვრთნელს დავჭირდები, მომავალშიც მზად ვიქნები", - განაცხადა კაკამ მატჩის შემდეგ.

"ბარსელონას" ლიდერმა ლიონელ მესიმ "სევილიასთან" (2:1) ლა ლიგის 25-ე ტურის მატჩის შემდეგ კომენტარი გააკეთა.

შეგახსენებთ, რომ არგენტინელმა ფორვარდმა ლა ლიგის ზედიზედ მე-15 მატჩში გაიტანა.

"ვიცოდით, რომ რთული მატჩი გველოდებიდა, მითუმეტეს, ჩემპიონთა ლიგაზე "მილანთან" შეხვედრის შემდეგ. თუმცა მოვიგეთ და ეს მთავარია.

რაც შეეხება ჩემპიონთა ლიგის დაპირისპირებას, არ ღირს ამისგან ტრაგედიის შექმნა. წინ საპასუხო მატჩი გველის და ყველაფერი მხოლოდ ჩვენზე იქნება დამოკიდებული. იმედი მაქვს, რომ ამ ტურნირში ასპარეზობას გავაგრძელებთ", - თქვა მესიმ.