ახალი ამბები - Archive

პარიზელების სპორტულმა დირექტორმა ყველა დაარწმუნა, რომ მის კლუბს "ემიუს” თავდამსხმელი არ სჭირდება.

ბოლო დროს პრესა აქტიურად უკავშირებს "მანჩესტერ იუნაიტედის” ფორვარდის სახელს პარიზს, თუმცა ჯერჯერობით ფრანგებს საკუთარ გუნდში მისი ხილვა არ სურთ.

"ჩვენ რამოდენიმე მსოფლიო დონის ვარსკვლავის შეძენის შესაძლებლობას განვიხილავთ, თუმცა რუნი ამ ფეხბურთელთა სიაში არ შედის”.

"რუნის ტრანსფერთან დაკავშირებით არანაირი ოფიციალური წინადადება არ გაგვიკეთებია და არანაირი ნაბიჯის გადადგმასაც არ ვაპირებთ”, – განაცხადა ლეონარდომ.

"მანჩესტერ იუნაიტედის” მთავარმა მწვრთნელმა სერ ალექს ფერგიუსონმა კომენტარი გააკეთა გუშინ გავრცელებულ ინფორმაციაზე, რომლის მიხედვითაც რიო ფერდინანდი ნაკრებში იქნა გამოძახებული. მისი თქმით, ვიდრე ფერდინანდი გადაწყვეტილებას მიიღებს, მან კარგად უნდა აწონოს, გაიაროს სამედიცინო შემოწმება და მხოლოდ ამის მერე უპასუხოს ჰოჯსონის შემოთავაზებას.

"როგორც ყველას, მეც ძალიან გამიკვირდა, როცა გავიგე, რომ ფერდინანდს ნაკრებში გამოუძახეს. თუმცა ჯერ ნაადრევია იმაზე ფიქრი, ითამაშებს თუ არა რიო ნაკრებში. მე ექიმს უნდა ვესაუბრო, რათა ფერდიდანდი ყველანაირად შემოწმდეს. მას განსაზღვრული მკურნალობა აქვს დანიშნული, რომელსაც უნდა დაემორჩილოს. რიო უნდა დარწმუნდეს, შეძლებს თუ არა თამაშს. ყველაფერი უნდა გადავამოწმოთ, ვიდრე რიო გადაწყვეტილებას მიიღებს”, – განაცხადა ფერგიუსონმა.

მადრიდის "რეალის” დირექტორმა ემილიანო ბუტრაგენიომ კომენტარი გააკეთა ჩემპიონთა ლიგის მეოთხედფინალური ეტაპის კენჭისყრაზე. მისი თქმით, "გალათასარაი” არაა იოლი მეტოქე. მითუმეტეს, რომ კლუბს კარგად შეეწყვნენ დიდიე დროგბა და უესლი სნეიდერი.

"ჩვენ ჩემპიონთა ლიგის მეოთხედფინალურ ეტაპზე ვართ, სადაც იოლი მეტოქე არ არსებობს. ასე თუნდაც იმიტომ უნდა მივიჩნიოთ, რომ "გალათასარაიმ” ამ ეტაპამდე მოაღწია. სტამბულელებმა "შალკესთან” მშვენივრად ითამაშეს და არც ისე იოლ დაპირისპირებაში გამარჯვებას მიაღწიეს”, – განაცხადა ემილიომ.

კატალონიის ”ბარსელონას” სპორტული დირექტორი ჩემპიონთა ლიგაზე თავის მომავალ მეტოქეს პატივისცემით უდგება.

”პსჟ-ს საკუთარ რიგებში ბევრი ნიჭიერი მოთამაშე ჰყავს. გარდა ამისა ბევრმა მათგანმა იცის, თუ რას წარმოადგენს ისეთი ტურნირის ფლეი-ოფში თამაში, როგორიც ჩემპიონთა ლიგა გახლავთ.

არ ღირს იმის დავიწყება, რომ ”პსჟ”-ში ჩვენთვის კარგად ნაცნობი ფეხბურთელებიც არიან. ასე რომ, მათ წინაამღდეგ მოედანზე გასვლილსას ძალიან ფრთხილად უნდა ვიყოთ”, – განაცხადა სუბისარეტამ.

ყაზანის ”რუბინის” მცველმა რომან შარონოვმა უეფას ევროპის ლიგის 1/4 ფინალის კენჭისყრის შედეგებზე ისაუბრა, რომლის მიხედვითაც მისი გუნდი ლონდონის ”ჩელსის” შეხვდება.

”ცხადია, თამაში რთული იქნება. ”ჩელსი” – მსოფლიოს ერთ-ერთი საუკეთესო გუნდია, მაგრამ სხვა მხვრივ ნებისმიერ ფეხბურთელისთვის ასეთი დონის კლუბის წინაამღდეგ თამაში ძალიან საინტერესოა. ჩვენ უკვე შევხვდით ”ბარსელონასა” და ”ინტერს”. მათ წინაამღდეგ თამაში, თანაც დიდებულ სტადიონებზე – საინტერესო იყო.

თუ მე ბუკმეკერი ვიქნებოდი, რა თქმა უნდა ვიტყოდი, რომ ”ჩელსის” მეტი შანსი აქვს. მაგრამ პროგნოზები ჩემი საქმე არ არის, ყველაფერი მოედანზე ირკვევა. ჩვენი ძალების მაქსიმუმს გამოვიყენებთ, რათა სასურველ შედეგს მივაღწიოთ”.