ახალი ამბები - Archive

გუშინ "არსენალმა" ყველასთვის მოულოდნელად "სუონსი" სტუმრად დაამარცხა. ლონდონელებმა უელსში 2 გოლის გატანა შეძლეს.

 შეხვედრის შემდეგ არსენ ვენგერმა 3 ქულის მნიშვნელობაზე ისაუბრა: "ახლა სეზონი დასასრულს უახლოვდება და 3 ქულა ჩვენთვის მნიშვნელოვანი იყო. ამ პერიოდში მატჩების წაგება დაუშვებელია და ჩვენ ეს კარგად გვაქვს გაცნობიერებული. არსენალი ოთხეულში შესვლისთვის სეზონის ბოლო მატჩამდე იბრძოლებს."

 "რაც ჩვენ უკანასკნელ 3 დღეში გავაკეთეთ არ არის ადვილი. ჯერ ალიანს არენაზე ბაიერნი დავამარცხეთ ორი ბურთის სხვაობით, შემდეგ კი სუონსიც 2 ბურთის სხვაობით. ალბათ ყველამ კარგად იცით თუ რა ძნელია უელსში გამარჯვება." - განაცხადა ვენგერმა.

ლიონელ მესი იმედოვნებს, რომ უახლოეს დროში ვილანოვა გუნდს დაუბრუნდება.

"დღესდღეობით, გუნდისთვის მთავარი მწვრთნელის როლი უზარმაზარია. მას შემდეგ, რაც ვილანოვა ჩვენთან ახლოს არაა, ამაში უფრო დავრწმუნდით. როურას პატივს ვცემთ, თუმცა ტიტო გვაკლია”, – გამოტყდა არგენტინელი TvC Sports-თან ინტერვიუში.

"რაც შეეხება ჩვენს მიმართ გამოთქმულ კრიტიკას, მაშინ გუნდის ყოფილი თავკაცი პეპ გვარდიოლა ასე დაახასიათებდა ასეთ სიტუაციას – თუ შენ ყოველთვის იმარჯვებ, ხალხი ამით იღლება, მათ ახალი გამარჯვებულები სჭირდებათ და შენი დამარცხება სურთ”.

"ბაიერნის” ლიდერმა "ლევერკუზენთან” (2:1) მოპოვებული გამარჯვება დააკომენტარა.

"ლევერკუზენში გამარჯვების მოპოვება ყოველთვის ძნელია. გუშინ ისინი საკუთარ მოედანზე მიმდინარე სეზონში მხოლოდ მეორედ დამარცხდნენ. მატჩი კარგად დავიწყეთ, პრესინგს მივმართავდით და გრძელი გადაცემებიც გამოგვდიოდა”.

"მეორე ტაიმში ჩვენ ბევრი ტაქტიკური შეცდომა დავუშვით. რაც "ბაიერის” წინააღმდეგ შეხვედრაში ყოველთვის საშიშია, რადგან ისინი დაცვიდან თავდასხმაში სწრაფად და წარმატებით ერთვებიან. საბოლოო ჯამში ყველაფერი სტანდარტულმა მდგომარეობებმა გადაწყვიტა”, – განაცხადა ბასტიან შვაინშტაიგერმა.

აღმოჩნდა, რომ ტურინელები შვედი გოლეადორის საზაფხულო ტრანსფერით დაინტერესებულნი არიან.

არც ისე ადრე პრესაში გავრცელდა ჭორი იმის შესახებ, რომ ზაფხულში "იუვენტუსი” ზლატან იბრაჰიმოვიჩის გადაბირებას ეცდება, რომელიც სიმართლე აღმოჩნდა.

"სრულიად მართალია, რომ პაველ ნედვედი ლეონარდოს იბრაჰიმოვიჩის ტრანსფერთან დაკავშირებით გაესაუბრა”.

"იბრა – დიდებული ფეხბურთელია, თუმცა ამჟამად მისი სახელფასო მოთხოვნილებების დაკმაყოფილება არცერთ იტალიურ კლუბს არ შეუძლია. თუმცა, ჩვენ ასეთი ფეხბურთელის ხელში ჩაგდება ნამდვილად გვსურს, და ვთვლი, რომ, ეს შეუძლებელი არაა”, – განაცხადა "იუვენტუსის” სპორტულმა დირექტორმა ბეპე მაროტამ.

"ემიუს” მთავარი მწვრთნელი "სიტისთან” 15-ქულიანი სხვაობით კმაყოფილია, თუმცა თვლის, რომ ჯერ კიდევ ადრეა მე-20 ტიტულის მოპოვების აღნიშვნა.

"ვერავინ ვერ მიიღებს ქულებსა და ტიტულს, თუ ახლა გაჩერდება, ჩვენ კი ამის გაკეთებას არ ვაპირებთ”.

"ვფიქრობ, ფეხბურთელებმა ყველაზე კარგად იციან ამის მნიშვნელობა, და კონცენტრაციას არ დაკარგავენ”.

"გამარჯვება ადვილი არ ყოფილა, თუმცა ჩვენ შესანიშნავი ურთიერთგაგება და კონცენტრაცია ვაჩვენეთ, რაც საჭირო შედეგის დაფიქსირებაში დაგვეხმარა”, – განაცხადა ალექს ფერგიუსონმა "რედინგთან” (1:0) მოპოვებული გამარჯვების შემდეგ.

სერ ალექს ფერგიუსონის შეგირდებმა მორიგი გამარჯვება მოიპოვეს აუტსაიდერთან.

"ემიუ” 1:0 "რედინგი”

გოლი: რუნი, 20

"ემიუ”: დე ხეა, ბიუტნერი, ვიდიჩი, ფერდინანდი, სმოლინგი, გიგზი, ანდერსონი(კაგავა, 85), იანგი(კარიკი, 73), რუნი, უელბეკი, ვან პერსი.

"რედინგი”: ტეილორი, შორი, მარიაპა, პირსი, კელი(მორისონი, 88), რობსონ-კანუ(ლე ფონდრი, 70), ლეიგერტვუდი, კარაჯანი, მაკანუფი, მაკლირი, ჰანტი(ბლექმენი, 70).

გაფრთხილება: ჰანტი, კელი.

ლონდონის "არსენალმა” უელსიდან ურთულესი 3 ქულა ჩამოიტანა.

"სუონსი” 0:2 "არსენალი”

გოლები: მონრეალი, 74, ჟერვინიო, 90+1

"სუონსი”: ვორმი, რანხელი, უილიამსი, მონკი, დევისი, ბრიტონი, დე გუზმანი, პაბლო, კი(რაუტლეჯი, 66), დაიერი(მური, 76), მიჩუ.

"არსენალი”: ფაბიანსკი, ჯენკინსონი, მერტეზაკერი, კოსელნი, მონრეალი (უოლკოტი, 85), დიაბი(რემსი, 71), არტეტა, უოლკოტი, კაზორლა, ოქსლეიდ-ჩემბერლენი(ჟერვინიო, 71), ჟირუ.

გაფრთხილება: დე გუზმანი- არტეტა.