Main »
2013 » March » 30 » სუარესი ლივერპულს არ დატოვებს
სუარესი ლივერპულს არ დატოვებს
ჭორები "წითლების” ურუგვაელ თავდამსხმელს კვლავ სხვა კლუბში გადაბარგებას უწინასწარმეტყველებენ.
თუმცა "ლივერპულის” მთავარი მწვრთნელი ბრენდან როჯერსი ირწმუნება იმაში, რომ ლუისი "ენფილდზე” რჩება.
"არ ვიცი, სადაა სიმართლე იმაში, რასაც პრესა სუარესზე წერს. როგორც პირადად ჩემთვისაა ცნობილი, ლუისს "ლივერპულში” ყველაფერი აკმაყოფილებს, და იგი ჩვენი კლუბის დატოვებას არ აპირებს”.
"მესმის, რომ ისეთი დონის ფეხბურთელი, როგორიც სუარესია, ყოველთვის ყურადღების ცენტრში იქნება. დარწმუნებული ვარ, მისი ხილვა საკუთარი გუნდის რიგებში ევროპული ფეხბურთის ძალიან ბევრ გრანდს სურს. თუმცა ლუისი "ლივერპულის” ფეხბურთელია, და კიდევ დიდი ხნის განმავლობაში დაიცავს ამ კლუბის ღირსებას”, – განაცხადა როჯერსმა.
