დღეს, თბილისის დროით 19:00 საათზე "საუთჰემპტონი” "ლივერპულს” უმასპინძლებს. მასპინძლებს სამმატჩიანი მოუგებელი სერია აქვთ, მერსისაიდელები კი სამი მატჩია არ აგებენ.
"წმინდანების” არგენტინელი დამრიგებლის მაურისიო პოჩეტინოს გუნდი შეხვედრას ყოველგვარი დანაკლისების გარეშე ხვდება. ბრენდან როჯერსს უმნიშვნელო, თუმცა საკადრო პრობლემები აქვს. ტრავმის გამო "წითლებს” ჯონ ფლანაგანი, მარტინ კელი და ფაბიო ბორინი ვერ დაეხმარებიან.
ამ გუნდებს შორის მატჩი უკანასკნელად გასული წლის დეკემბერში "ენფილდზე” შედგა და "წითლების” მინიმალური უპირატესობით, ანგარიშით 1-0 დასრულდა.
სავარაუდო შემადგენლობები:
"საუთჰემპტონი”: ბორუცი, იოშიდა, ფონტე, ჰუიველდი, შოუ, კორკი, შნეიდერლინი, როდრიგესი, რამირესი, ლალანა, ლამბერტი.
"ლივერპული”: რეინა, ჯონსონი, კარაგერი, აგერი, ენრიკე, დაუნინგი, ჯერარდი, ლუკასი, კოუტინიო, სუარესი, სტარიჯი.
მატჩს ფილ დაუდი გაუძღვება, რომელმაც უკანასკნელ 18-მატჩში მოედნიდან სამი ფეხბურთელი გააძევა და 51 – გააფრთხილა.
