რეალი მთავარი ფავორიტია

 ჰოლანდიელმა, რომელიც "რეალში” 1996-2000 წლებში გამოდიოდა, საკუთარი მოსაზრება Marca-ს გაანდო.

 "რა თქმა უნდა "რეალის” თამაშებს თვალყურს ვადევნებ. ყველა შეხვედრა არა, მაგრამ მატჩების უმეტესობა ნანახი მაქვს. ბოლო დროს გუნდი საოცარ ფორმაშია, "ბარსელონასა” და "მანჩესტერთან” ნაჩვენები თამაშები კი, საოცრება იყო. "რეალს” ძალიან დიდი შანსი აქვს საიმისოდ, რათა ჩემპიონთა ლიგა მოიგოს” - განაცხადა ზეედორფმა.

 საკუთარ მოედანზე ფრედ 1:1 დასრულებული შეხვედრის შემდეგ, "რეალმა” "ოლდ ტრაფორდზე” "მანჩესტერ იუნაიტედი” 2:1 დაამარცხა და მეოთხედფინალში თამაშის უფლება მოიპოვა. მისი მომავალი მეტოქის ვინაობა ხვალ გახდება ცნობილი.