როურა გუნდით კმაყოფილია

"ბარსელონას” მთავარი მწვრთნელის ასისტენტი, ჟორდი როურა აცხადებს, რომ ის მადრიდის "რეალის” წინააღმდეგ გამართულ შეხვედრაში თავისი შეგირდების გარჯით კმაყოფილია.

შეგახსენებთ, რომ მატჩი "სამეფო კლუბის” გამარჯვებით, 2-1 დასრულდა. მადრიდელთა მხრიდან, გოლები ბენზემამ და რამოსმა გაიტანეს, ხოლო კატალონიელებიდან, ერთი გოლის გატანა მესიმ მოახერხა.

"ჩემი გუნდის ფეხბურთელების გარჯით კმაყოფილი ვარ. ქულის მოპოვებასთან ძალიან ახლოს ვიყავით. რა თქმა უნდა, "ბერნაბეუზე” თამაში ყოველთვის ძალიან რთულია”, – უთხრა როურამ ჟურნალისტებს.