ბარსელონა რეალთან ფრეს არ დაჯერდება

"ბარსელონას" მცველი დანი ალვეში აცხადებს, რომ ესპანეთის თასის ნახევარფინალის განმეორებით შეხვედრაში "რეალის" წინააღმდეგ მისი გუნდი მხოლოდ მოგებისთვის იბრძოლებს.

"ჩვენ უგოლო ფრეც გვაწყობს, თუმცა ეს ჩვენი სტილი არაა. მოედანზე ყოველთვის იმისთვის გავდივართ, რომ გავიმარჯვოთ, და არა დაფიქსირებული შედეგი შევინარჩუნოთ",-აცხადებს ბრაზილიელი Mundo Deportivo-სთან ინტერვიუში.

"რეალთან" მატჩი, რა თქმა უნდა, რთული იქნება. მადრიდელები პრიმერაში არც თუ ისე წარმატებით გამოდიან, თუმცა სხვა ტურნირების მოგებას გეგმავენ".