ელ შაარავი გუნდს მოგებაში დაეხმარება

"მილანის" ნახევარმცველი რიკარდო მონტოლივო დარწმუნებულია, რომ მისი თანაგუნდელი სტეფან ელ შაარავი "ინტერთან" დერბის მთავარი გმირი გახდება.

"ვფიქრობ, რომ ჩვენ ანგარიშით 1:0-ს მოვიგებთ ელ შაარავის გოლის წყალობით. სტეფანის დეპრესიაზე საუბარი არ ღირს, რადგან ან ის, ან ბალოტელი ყოველთვის მოახერხებენ გოლის გატანას",-აცხადებს "როსონერის" ნახევარმცველი La Gazzetta dello Sport-თან ინტერვიუში.

"მე არ მითქვია ის, რომ ელ შაარავი ჩვენთვის ბევრს არ ნიშნავს. იგი მარიოს შესანიშნავად შეეწყო, და ამაში ვერანაირ პრობლემას ვერ ვხედავ".