ალეგრი მესამე გოლსაც ელოდა

 "რა თქმა უნდა ვიცოდით, რომ "ბარსელონას” ბურთის დაჭერა ძალიან უყვარს და ამისთვის თავიდანვე მზად ვიყავით. თამაში კონტრშეტევებზე ავაგეთ და პირველ ტაიმში რამდენიმეჯერ მიზნამდე ბოლო მომენტში სიზუსტე დაგვაკლდა. შესვენების შემდეგ კიდევ უფრო სახიფათო კონტრშეტევები განვახორციელეთ და ორი გოლიც გავიტანეთ, მაგრამ იმის გათვალისწინებით, რომ წინ გაცილებით მძიმე განმეორებითი შეხვედრა გველის, ძალიან მწყდება გული თითოეულ გაცუდებულ მომენტზე. მესამე გოლიც უნდა გაგვეტანა. დღეს ჩემმა გუნდმა მაქსიმალურად მობილიზებული და გუნდური ფეხბურთით მოიგო. ბიჭებმა მესის განეიტრალება შეძლეს. თუ გვინდა, რომ მეოთხედფინალში გასვლით გავიხაროთ, "ნოუ კამპზეც” ასეთივე ორგანიზებულობა გვმართებს. თუმცა, ვიდრე "ბარსელონასთან” საპასუხო მატჩამდე მივალთ, შიდა ფრონტზე უნდა გადმოვერთოთ და "ინტერთან” დერბისთვის მოვემზადოთ – განაცხადა ალეგრიმ მატჩისშემდგომ პრესკონფერენციაზე.