"ლიდსის" ფეხბურთელის რობი როჯერსის აღიარება

როჯერსმა თავის ბლოგზე შემდეგი დაწერა: "საიდუმლოებებმა დიდი ზიანის მიყენება იცის. ხალხს უყვარს თქმა, რომ გულწრფელობა იოლი და მართალი გზაა. 

მაგრამ მოდი და აუხსენი ხალხს, რომელსაც ასე უყვარხარ, რომ წლების განმავლობაში ატარებ საიდუმლოს - გეი ხარ. 

ახლა უნდა წავიდე ფეხბურთიდან. ამ წუთას შუაღამეა და მე ძალიან ამაყი ვარ, რომ ბოლოს და ბოლოს გავბედე ამის საჯაროდ თქმა". 

როჯერსმა "კოლამბუსის" შემადგენლობაში 2008 წელს მლს-ის თასი მოიგო. 2010 წელს კი ის ამერიკის ნაკრებში მიიწვიეს.

როჯერსის განცხადებამ დიდი რეზონანსი გამოიწვია. ფიფას პრეზიდენტმა ზეპ ბლატერმა მას მამაცობისთვის მადლობა გადაუხადა და ფეხბურთში დარჩენა ურჩია. ამერიკის ფეხბურთის ასოციაციაში კი განაცხადეს, რომ როჯერსის საქციელი საამაყოა.