ფაბრეგასი: “იმედი მაქვს, ბოიანი “ბარსელონაში” დაბრუნდება”

"ბარსელონას” 25 წლის ნახევარმცველი, სესკ ფაბრეგასი აცხადებს, რომ მას იმედი აქვს, ბოიან კრკიჩი, რომელიც ახლა "მილანში” თამაშობს, კატალონიურ კლუბში დაბრუნდება.

მოგეხსენებათ, კრკიჩი "ბლაგაურნადან” 2011 წელს, "რომაში” გადავიდა, ახლა კი "როსონერიში” იჯარით გამოდის.

"იმედი მაქვს, ერთ დღეს, ბოიანი "ბარსელონაში” დაბრუნდება. როცა ის აქ თამაშობდა, ძალიან ახალგაზრდა იყო. ვფიქრობ, ბოიანი უკვე ჩამოყალიბებული ფეხბურთელია და შეუძლია, "ბლაგაურნაში” კარგად იასპარეზოს”, – უთხრა ფაბრეგასმა Marca-ს.