ამერიკის შეერთებული შტატები მწვრთნელის დაბრუნებას ცდილობს

გასულ წელს,მაიკ კრჟიჟევსკიმ განაცხადა,რომ 2012 წლის ოლიმპიადა იქნებოდა მისთვის ბოლო ამერიკის შეერთებული შტატების მთავარი მწვრთნელის რანგში.

თუმცა,როგორც ირკვევა ქვეყნის კალათბურთის ფედერაცია მანამდე არ აპირებს ახალი თავკაცის დასახელებას,სანამ საბოლოო მოლაპარაკებებს არ გამართავს ყოფილ მწვრთნელთან.ისინი ეცდებიან,გამოცდილ სპეციალისტს რაც შეიძლება მეტი დრო მისცენ გადაწყვეტილების მისაღებად.

ფედერაციაში იმედოვნებენ,კრჟიჟევსკი კიდევ ერთ პროგრამაში მონაწილეობას დასთანხმდება.ამასთანავე,სახელდება რამოდენიმე ცნობილი სპეციალისტი,რომელთაც შესაძლოა მაიკის შეცვლა ითავონ.ესენია: გრეგ პოპოვიჩი, დოკ რივერსი , დუგ კოლინსი და ტომ იზო.