ლუკაკუს “ჩელსის” ლეგენდობა სურს

"ვესტ ბრომვიჩში” განათხოვრებული 19 წლის რომელუ ლუკაკუ აცხადებს, რომ მას "ჩელსის” ლეგენდობა სურს.

მოგეხსენებათ, ბელგიელი ფეხბურთელი "ჩელსიმ” 2011 წელს შეიძინა, მაგრამ მას ლონდონელთა გუნდში ხშირად თამაში არ უწევდა, ამიტომ ის იჯარით, სხვა კლუბში გაუშვვეს.

შეიძლება, ითქვას, რომ 19 წლის ფეხბურთელი ცუდ სეზონს არ ატარებს – ლუკაკუს მიმდინარე სეზონში ცხრა გოლი აქვს გატანილი.

"ჩემი მიზანია, დავბრუნდე "ჩელსიში” და ამ გუნდის ლეგენდა გავხდე.  ეს ჩემი ოცნებაა. ლონდონელთა გუნდში ამიტომ გადავედი. დრო გადის, მაგრამ მე სათამაშო პრაქტიკა მჭირდება. იმედი მაქვს, მომდევნო სეზონებში, "ჩელსის” ძირითად შემადგენლობაში ვითამაშებ. ყველაფერი ჩემზეა დამოკიდებული, უნდა დავამტკიცო, რომ თამაშის ღირსი ვარ”, განაცხადა ლუკაკუმ.