ზლატანი “ბაიერნში” თამაშს არ გამორიცხავს

 "რა თქმა უნდა, ბუნდესლიგა მიზიდავს. შესაძლოა, ერთხელაც, ამ ჩემპიონატში ვითამაშო.

 კარიერის დასრულებამდე დრო კიდევ არის. თუ თამაშის გერმანიაში გაგრძელებას გადავწყვეტ, ჩემი უპირველესი არჩევანი "ბაიერნი” იქნება. ჩემის აზრით, ეს გუნდი მსოფლიოს საუკეთესო 5 კლუბს შორის შედის.

 არაერთ ქვეყანაში მიცხოვრია: შვედეთში, ჰოლანდიაში, იტალიაში, ესპანეთში და ახლა საფრანგეთში ვცხოვრობ. ხალხისა და კულტურის შეცნობა ვისწავლე. ამან უფრო გამაძლიერა.” – ციტირებს ზლატანის სიტყვებს Football Italia.

 შეგახსენებთ, რომ მომდევნო სეზონიდან, "ბაიერნს” პეპ გვარდიოლა გაწვრთნის, რომელთანაც იბრას კარგი ურთიერთობა ნამდვილად არ აქვს.