ისკო მხოლოდ დიდ კლუბში გადასვლას დათანხმდება

 შეგახსენებთ, რომ ესპანური კლუბის ხელმძღვანელობამ ახალგაზრდა ტალანტთან თავისი მომავალი მასთან ახალი კონტრაქტის გაფორმებით დაადასტურა, თუმცა ამის მიუხედავად გამორიცხული არ არის, რომ ისკო უახლოეს სეზონებში სხვაგან მოუწიოს თამაში.

”თუ ვინმეს ჩემი შეძენის სურვილი გაუჩნდება, მაშინ ეს მხოლოდ დიდი კლუბი იქნება. ისინი ”მალაგას” ბიუჯეტს შეავსებენ, ხოლო მე ახალ გამოწვევას მივიღებ. ორივე მხარისთვის ეს იდეალური ვარიანტი იქნება.

რაც შეეხება მანუელ პელეგრინის, ეს მწვრთვნელი ჩემს კარიერაში ყველაზე მნიშვნელოვან ფიგურად იქცა. აქ 19 წლის ასაკში მოვედი, მან კი მაშინვე გამოხატა ჩემს მიმართ ნდობა და ყველაფერთან ერთად ბევრი რამ მასწავლა.”

გარდა ამისა ისკომ ჟურნალისტებს ესპანეთის ნაკრების მთავრ მწვრთვნელთან ვისენტე დელ ბოსკესთან გაცნობის შთაბეჭდილებები გაუზიარა.

”დელ ბოსკე გაწონასწორებული და მშვიდი პიროვნებაა. შემიძლია ვთქვა, რომ მან არაფრით გამაკვირვა. როდესაც მოედანზე ნაკრების მაისურით გავდიოდი, მაშინ მან მითხრა, რომ მე არაფრის არ უნდა მეშინოდეს და უნდა შევეცადო ისეთი თამაში ვაჩვენო, როგორსაც კლუბში ვაჩვენებ. მისმა სიტყვებმა მოტივაცია და მშვიდად ყოფნის საბაბი მომცეს.”