ჩავი: "ეს ფრე "რეალს" ვაჩუქეთ"

"ბარსას" ფლეიმეიკერი მიიჩნევს, რომ მის გუნდს გუშინდელ "კლასიკოში" აუცილებლად უნდა გაემარჯვა.

"ჩვენ თავად ვაჩუქეთ მათ ეს ფრე. "რეალზე" უკეთ ვთამაშობდით, მოედანზე უფრო მეტ ხანს ვდომინირებდით და მეტ საგოლე მომენტსაც ვქმნიდით", -განაცხადა ჩავიმ.

"ბოლო "კლასიკოებში" ეს ჩვეულევრივი სურათია. ცარიელი კარის წინ ბევრი შესაძლებლობა გავფლანგეთ, ხოლო გამარჯვებისთვის გატანაა აუცილებელი. ჯერ გადაწყვეტილი არაფერია. წინ საპასუხო მატჩი გველის და ჩვენ მომენტების რეალიზებას შევეცდებით".